اسلام آباد۔ 21 مئی (اے پی پی) چیئرمین سینیٹ سید یوسف رضا گیلانی خضدار اچ سکول بس تے حملے دی شدید مذمت کیتی اے۔ سینیٹ سیکرٹریٹ توں جاری بیان دے موجب چیئرمین سینیٹ آکھیے جو نشوم ٻالاں کوں دہشت گردی دا نشانہ بݨاوݨ ٻہوں افسوسناک، بزدلانہ اَتے انسانیت سوز عمل اے۔ انہاں آکھیے جو ایں دلخراش واقعے پوری قوم کوں ݙکھی کر ݙتے۔ سید یوسف رضا گیلانی شہداء دے اہلِ …
چیئرمین سینیٹ دی خضدار اچ سکول بس تے حملے دی مذمت
مزید خبراں
اسلام آباد۔ 21 مئی (اے پی پی) چیئرمین سینیٹ سید یوسف رضا گیلانی خضدار اچ سکول بس تے حملے دی شدید مذمت کیتی اے۔ سینیٹ سیکرٹریٹ توں جاری بیان دے موجب چیئرمین سینیٹ آکھیے جو نشوم ٻالاں کوں دہشت گردی دا نشانہ بݨاوݨ ٻہوں افسوسناک، بزدلانہ اَتے انسانیت سوز عمل اے۔ انہاں آکھیے جو ایں دلخراش واقعے پوری قوم کوں ݙکھی کر ݙتے۔ سید یوسف رضا گیلانی شہداء دے اہلِ خانہ نال دلی ہمدردی اَتے تعزیت دا اظہار کریندے آکھیے جو اساں انہاں دے ݙکھ اچ برابر دے شریک ہیسے۔ انہاں زخمی طلباء دی وختی صحت یابی کیتے دعا کیتی اَتے متعلقہ حکام کوں ہدایت کیتی جو زخمیاں کوں بہترین طبی سہولتاں ݙتیاں ویسن۔ چیئرمین سینیٹ آکھیے جو دہشت گردی اچ ملوث عناصر کوں وختی گرفتار کرتے قانون دی کچاری اچ گھن آیا ویسی تے ایں قسم دے واقعات روکݨ سانڳے موثر اقدامات کیتے ویسن۔
