لاہور۔3 اکتوبر (اے پی پی) وفاقی وزیرِ ریلوے محمد حنیف عباسی سامان دی ترسیل اچ تاخیر کرݨ آلے نجی وینڈرز کوں فوری طور تے بلیک لسٹ کرݨ تے ریلوے دیاں ساریاں ورکشاپاں تے یارڈاں اچ جدید سی سی ٹی وی کیمرے نصب کرݨ دے نال نال نجی سیکیورٹی تعینات کرݨ دی ہدایت کریندے آکھیا جو موجودہ مالی سال دے ریونیو اہداف دے حصول کیتے سارے متعلقہ افسران کوں رل تے …
وفاقی وزیر محمد حنیف عباسی دی صدارت اچ اجلاس، ریلوے دیاں ساریاں ورکشاپاں، یارڈاں اچ جدید سی سی ٹی وی کیمرے نصب کرݨ دی ہدایت
لاہور۔3 اکتوبر (اے پی پی) وفاقی وزیرِ ریلوے محمد حنیف عباسی سامان دی ترسیل اچ تاخیر کرݨ آلے نجی وینڈرز کوں فوری طور تے بلیک لسٹ کرݨ تے ریلوے دیاں ساریاں ورکشاپاں تے یارڈاں اچ جدید سی سی ٹی وی کیمرے نصب کرݨ دے نال نال نجی سیکیورٹی تعینات کرݨ دی ہدایت کریندے آکھیا جو موجودہ مالی سال دے ریونیو اہداف دے حصول کیتے سارے متعلقہ افسران کوں رل تے کم کرݨا ہوسی، کم دے معیار تے کوئی سمجھوتہ نہ کیتا ویسسی تے غفلت دے مرتکب لوکاں دے خلاف قانونی کارروائی کیتی ویسی۔اے ڳالھ انہاں اتھاں ریلوے ہیڈکوارٹرز اچ اجلاس دی صدارت کریندے آکھی ۔ اجلاس اچ ریلوے سکریپ تے سپیئر پارٹس دی چوری روکݨ کیتے زیرو ٹالرنس پالیسی اختیار کرݨ دا فیصلہ وی کیتا ڳیا۔وفاقی وزیر ریلوے دے نظام اچ شفافیت تے بہتری کیتے پیشگی منصوبہ بندی کوں لازمی قرار ݙیندے آکھیا جو سارے معاملیں اچ واضح پالیسی تے موثر نگرانی کوں یقینی بݨایا ونڄے۔ اجلاس اچ یکساں پالیسی دے تحت سارے بریک تے لگیج وینز دی فوری آؤٹ سورسنگ دی ہدایت وی کیتی ڳئی۔اجلاس کوں بریفنگ اچ ݙسایا ڳیا جو ملت، عوام، میانوالی تے قراقرم ایکسپریس ایں مہینے نجی شعبے دے حوالے کیتیاں ویسن۔ وفاقی وزیر ہدایت کیتی جو ریلوے دے سارے شعبیں اچ کارکردگی بہتر بݨاوݨ، اخراجات تے قابو پاوݨ تے آمدݨ اچ ودھارے کیتے عملی اقدامات تکھے کیتے ونڄن۔ وفاقی وزیر ریپیئر تھیوݨ آلے لوکوموٹیوز کوں طے شدہ شیڈول موجب ٹریک تے گھن آوݨ دی وی ہدایت کیتی۔
