اسلام آباد۔3 اکتوبر (اے پی پی) نائب وزیرِ اعظم و وزیرِ خارجہ سینیٹر محمد اسحاق ڈار ہفتے کوں پاکستان-بحرین مشترکہ وزارتی کمیشن (جے ایم سی) دے تریجھے اجلاس دیاں تیاریاں دا جائزہ گھنݨ کیتے بین الوزارتی اجلاس دی صدارت کیتی، جیندی او اپݨے بحرینی ہم منصب دے نال مشترکہ صدارت کریسن۔ترجمان دفترِ خارجہ توں جاری بیان موجب سیکرٹری اقتصادی امور ڈویژن نائب وزیرِ اعظم و وزیرِ خارجہ کوں آوݨ آلے …
وزیرِ خارجہ اسحاق ڈار دی زیرِصدارت بین الوزارتی اجلاس، پاکستان-بحرین مشترکہ وزارتی کمیشن دے ݙوجھے/تریجھے اجلاس دیاں تیاریاں دا جائزہ
اسلام آباد۔3 اکتوبر (اے پی پی) نائب وزیرِ اعظم و وزیرِ خارجہ سینیٹر محمد اسحاق ڈار ہفتے کوں پاکستان-بحرین مشترکہ وزارتی کمیشن (جے ایم سی) دے تریجھے اجلاس دیاں تیاریاں دا جائزہ گھنݨ کیتے بین الوزارتی اجلاس دی صدارت کیتی، جیندی او اپݨے بحرینی ہم منصب دے نال مشترکہ صدارت کریسن۔ترجمان دفترِ خارجہ توں جاری بیان موجب سیکرٹری اقتصادی امور ڈویژن نائب وزیرِ اعظم و وزیرِ خارجہ کوں آوݨ آلے اجلاس دے ایجنڈے تے ݙو طرفہ تعاون دے اہم شعبیں تے بریفنگ ݙتی۔ نائب وزیرِاعظم و وزیرِ خارجہ پاکستان-بحرین تعاون کوں مزید وسعت ݙیوݨ اچ جے ایم سی دی اہمیت تے زور ݙتا تے متعلقہ وزارتاں کوں ہدایت کیتی جو او نیڑے ہم آہنگی دے نال تیاریاں مکمل کرن تے اڳلے ہفتے بحرینی وزیرِ خارجہ دے دورے توں ٹھوس نتیجے حاصل کرن۔اجلاس اچ وزیراعظم دے معاونِ خصوصی طارق باجوہ، قائم مقام سیکرٹری خارجہ تے سارے متعلقہ وزارتاں و شعبیں دے سیکرٹریز تے سینئر افسراں شرکت کیتی۔
