وفاقی وزیر صحت سید مصطفی کمال دی فلسطینی وزیر صحت نال ملاقات

اسلام آباد۔22مئی(اے پی پی)وفاقی وزیر صحت سید مصطفی کمال فلسطینی وزیر صحت نال ملاقات کیتی۔ ایں موقع تے مصطفی کمال وزیراعظم شہباز شریف دا پیغام فلسطینی ہم منصب کوں ݙتا۔ انہاں پاکستان دا فلسطینی کاز نال غیر متزلزل عزم دا اعادہ کیتا۔ فلسطینی وزیر پاکستان دی تاریخی حمایت دی تعریف کیتی ۔ پوری پاکستانی قوم بہادر فلسطینی عوام دے نال کھڑی اے۔ ملاقات اچ غزہ کیتے طبی تے انسانی امداد تے ڳالھ مہاڑ کیتی ڳئی۔ ݙوہیں وزراء دی انسانی ہمدردی دے عملی اقدامات تے ڳالھ مہاڑ تھئی۔ انہاں آکھیے جو عوام کوں طبی تے انسانی امداد ݙیوݨ دے مختلف طریقیں تے ڳالھ مہاڑ کیتی ڳئی اے۔ انہاں ورلڈ ہیلتھ اسمبلی دے اجلاس اچ عالمی دنیا دی توجہ اسرائیل دی غزہ اچ جاری جارحیت تے مبذول کروائی اے۔ پاکستان فلسطین، خاص کر غزہ دے خلاف اسرائیلی جارحیت دی مذمت کریندے ۔ اسرائیل دا ہسپتالاں اتے طبی عملے کوں ڄاݨ ٻُجھ تے نشانہ بݨاوݨ ٻہوں افسوس ناک عمل اے۔ اے نسل کشی تے مبنی مہم اتے ظلم وختی طور تے بند تھیوݨے چاہیدن۔ ملاقات عالمی ادارہ صحت دی اسمبلی دے موقع تے تھئی