دانش یونیورسٹی اچ طلباء کوں اپلائیڈ سائنسز، جدت تے ٹیکنالوجی اچ مستقبل دی تیاری دے نال تعلیم ڈتی ویسی، احسن اقبال

اسلام آباد۔22 مئی (اے پی پی) وفاقی وزیر منصوبہ بندی، ترقی تے خصوصی اقدامات احسن اقبال آکھیے جو دانش یونیورسٹی اچ طلباء کوں اپلائیڈ سائنسز، جدت تے ٹیکنالوجی اچ مستقبل دی تیاری دے نال تعلیم ڈتی ویسی. اساکوں آپݨیاں جامعات کوں قومی مسابقت دی علامت ٻݨاوݨ اے اتے انہاں کوں عالمی معیار نال ہم آہنگ کرݨا پوسی. اے ڳالھیں انہاں آپݨی صدارت اچ اعلیٰ سطحی اجلاس اچ کیتا. اجلاس اچ حکومت پاکستان دے قومی ترقیاتی وژن “اُڑان پاکستان” دے تحت اعلیٰ تعلیمی اصلاحات دے تسلسل اچ دانش یونیورسٹی آف اپلائیڈ اینڈ ایمرجنگ سائنسز دے قیام دے حوالے نال اقدامات دا جائزہ گھدا گیا اتے مختلف فیصلے کیتے گئن. اجلاس اچ سیکرٹری تعلیم، چیئرمین ہائر ایجوکیشن کمیشن، چیئرمین کیپٹل ڈویلپمنٹ اتھارٹی، ممبر سائنس تے ٹیکنالوجی، ممبر انفراسٹرکچر، تے وزارت تعلیم و منصوبہ بندی دے سینئر افسران شریک ہن. اے تاریخی منصوبہ “اُڑان پاکستان” دے تعلیم تے اعلیٰ کارکردگی دے ستوناں نال ہم آہنگ اے جیں دا مقصد پاکستان اچ عالمی معیار دی انسانی وسائل دی تیاری اے. اجلاس اچ سیکرٹری تعلیم دانش ایجوکیشن ٹرسٹ، یونیورسٹی دے چارٹر تے قانونی ڈھانچے تے بریفنگ ڈتی. اے وی فیصلہ کیتا گیا جو ترکیہ، چین، جنوبی کوریا تے سوئٹزرلینڈ اچ بین الاقوامی روڈ شوز منعقد کیتے ویسن تاں جو عالمی شہرت یافتہ ڈیزائن تے سپروژن کنسلٹنٹس دی خدمات حاصل کیتی ونڄ سگن. اے اقدام جناح میڈیکل کمپلیکس اینڈ ریسرچ سینٹر دے نال سانجھے طور تے کیتا ویسی. احسن اقبال آکھیے جو وزارت منصوبہ بندی پہلے وژن 2025 دے تحت پنج بنیادی ستوناں تے مبنی کئی انقلابی اقدامات دا آغاز کیتا ہا تے ہݨ اُڑان پاکستان دی قیادت دی ذمہ واری وی ایں وزارت دے حوالے کیتی گئی اے. انہاں ایں گالھ تے زور ڈتا جو پاکستان دے نینگراں کوں مستقبل دے تقاضیاں تے جدید ٹیکنالوجی دے مطابق مہارتاں نال سجاوݨاں ویلھے دی اہم لوڑھ اے. انہاں آکھیے جو دانش یونیورسٹی ہک نویں شروعات دی علامت ہوسی جِتھ طلباء کوں اپلائیڈ سائنسز، جدت تے ٹیکنالوجی اچ مستقبل دی تیاری دے نال تعلیم ڈتی ویسی. اساکوں آپݨیاں جامعات کوں قومی مسابقت دی علامت ٻݨاوݨ اے تے انہاں کوں عالمی معیار نال ہم آہنگ کرݨا پوسی. انہاں دنیا دے کامیاب تعلیمی ماڈلز توں سبق ڳھنݨ دی لوڑھ تے زور ڈیندیں ہوئیں فوری طور تے اعلیٰ تعلیمی قیادت تے بین الاقوامی فیکلٹی دی بھرتی دا آغاز کرݨ دی ہدایت کیتی تاں جو نصاب و تحقیق اچ عالمی بہترین روایات اپنائیاں ونڄ سگن. وفاقی وزیر ہدایت کیتی جو ڈگری پروگرامز تے کورس نصاب صنعت تے تعلیمی اداریاں دی مشاورت نال تیار کیتے ویسن تاں جو موجودہ مہارتاں دے خلا کوں پُر کیتا ونڄ سگے. اے قدم “اُڑان پاکستان” دی برآمدات تے بااختیاری دی حکمت عملی دی حمایت کریسی. انہاں واضح کیتا جو دانش یونیورسٹی کوں لمز تے بئے عالمی معیار دی جامعات دے شانہ بشانہ ہووݨا چاہیدے. اے ہک ایجھا مرکز ٻݨے جو اپلائیڈ لرننگ، تحقیق تے ترقی، تے صنعت تے جامعہ وچال تعاون کوں ودھاوے. انفراسٹرکچر دے حوالے نال وفاقی وزیر منصوبہ بندی سی ڈی اے تے بئے منصوبہ بندی حکام کوں ہدایت کیتی جو سادگی، پائیداری تے گھٹ لاگت دے اصولاں تے مبنی ڈیزائن اپنایا ونجے تاں جو ایہ منصوبہ ماحولیاتی تحفظ دے ستون نال وی ہم آہنگ ہووے. احسن اقبال آکھیے جو دانش یونیورسٹی آف اپلائیڈ اینڈ ایمرجنگ سائنسز تعلیم تے جدت دا ہک فلیگ شپ ادارہ ثابت ہوسی جو پاکستان کوں 2047 تئیں 3 ٹریلین ڈالر دی معیشت ٻݨاوݨ دے سفر اچ اہم کردار ادا کریسی. ایہ یونیورسٹی اُڑان پاکستان دے ایں جذبے دی عکاسی کریسی جیں دا مقصد نینگراں کوں صرف زندہ رہنڑ دے قابل نئیں بلکہ دنیا دی قیادت سانگے تیار کرݨا اے.