ایں سال چینی شہریاں، منصوبیاں تے کوئی حملہ رپورٹ کائنی تھیا، چینی شہریاں تے چھیکڑی حملہ نومبر 2024 اچ تھیا ہا، وزارت داخلہ

اسلام آباد۔22 مئی (اے پی پی) قومی اسمبلی کوں وزارت داخلہ ولوں ڈسایا گئے جو ایں سال چینی شہریاں تے منصوبیاں تے کوئی حملہ رپورٹ کائنی تھیا۔ چینی شہریاں تے چھیکڑٰی حملہ نومبر 2024 اچ تھیا ہا. موثر نگرانی، تعاون تے بہتر سیکیورٹی اقدامات یقینی ٻݨاوݨ سانگے وفاقی انتظامی کمیٹی، صوبائی تے علاقائی درآمد کمیٹیاں ٻݨایاں گئن. غیر ملکی بشمول چینی شہریاں دی نگرانی تے سہولت کاری سانڳے پی ایف این ایس سیز تے ڈی ایف این ایس سیز بنڑائیاں ڳئن. خمیس کوں قومی اسمبلی اچ سوالاں دے وقفے اچ ہک سوال دے جواب اچ وزیر داخلہ ولوں تحریری طور تے ڈسایا گيا جو چینی شہریاں تے منصوبیاں دی سیکیورٹی پاک فوج دے ایس ایس ڈی سول آرمڈ فورسز تے پولیس دے ایس ایس یوز دے حوالے کیتی گئی اے. پورے ملک اچ دہشتگردی دے نیٹ ورکس دے خاتمے سانگے انٹیلی جنس دی بنیاد تے کاروائیاں جاری ہن. سی پیک تے بئے منصوبیاں دا سیکیورٹی آڈٹ باقاعدگی نال کیتا ویندے. پرے دے اتے خطرناک علاقیاں اچ چینی شہریاں دی سکیورٹی ہیلی کاپٹر دے ذریعے کیتی ویندی اے. چینی سفارتخانے دے نال تعاون تے مسلسل رابطہ اے. وزیر داخلہ ولوں ڈسایا گيا جو جے ڈبلیو جی چینی شراکت داراں دے نال سیکیورٹی پروٹوکولز اچ تعاون، عمل درآمد تے بہتری سانگے کم کریندا پئے. اڄوکی ٻݨائی گئی سی ٹی کمیٹیاں چینی شہریاں دی سیکیورٹی دا جائزہ گھندیاں پئن. وزیر داخلہ ولوں ڈسایا گيا جو چینی شہریاں دی آمد تے انگلش تے چینی زبان اچ ہدایات ڈتی ویندی پئن. داخلی تے خارجی علاقیاں تے سہولت ڈیسک ٻݨائے ڳئن، چینی شہریاں دی سکیورٹی تے سیکیورٹی دی نگرانی کریندے پئیوں۔