وفاقی وزیر تجارت جام کمال خان دی صدارت ایکسپورٹ ڈویلپمنٹ فنڈ دے بورڈ دا اجلاس

اسلام آباد۔ 22 مئی (اے پی پی) ایکسپورٹ ڈویلپمنٹ فنڈ (ای ڈی ایف) دے بورڈ دا اجلاس خمیس کوں وفاقی وزیر تجارت جام کمال خان دی صدارت اچ تھیا۔ اجلاس اچ ایف سی ڈی او دے مالی تعاون نال چلݨ آلے “ریمیٹ پروجیکٹ” دی تیار کیتی گئی رپورٹ تے غور کیتا گیا۔ اجلاس اچ ریمیٹ ٹیم بورڈ کوں ہک تفصیلی پریزنٹیشن ڈتی جئیں اچ حکمت عملی دی تیاری سانگے اختیار کیتا گیا طریقہ کار واضح کیتا گیا جئیں اچ عالمی بہترین پریکٹسز دا مطالعہ، سٹیک ہولڈرز نال مشاورت تے انہاں مسئلیاں دا تجزیہ شامل ہا جنہاں دی وجہ توں ای ڈی ایف برآمدات دے ودھارے اچ گیم چینجر ثابت نئی تھی سگیا۔پریزنٹیشن اچ پاکستان دی برآمدی صورتحال اتے او عوامل وی شامل ہن جئیں پاروں ملک کجھ مخصوص مصنوعات اتے مارکیٹاں تئیں محدود رہیے۔ ٹیم سٹیک ہولڈرز دی مشاورت دے بعد واضع کیتا ڳئے وژن، مشن اتے سٹریٹجک اہداف پیش کیتے جنہاں اچ سفارش کیتی گئی جو ای ڈی ایف موجودہ اتے نویں برآمد کنندگان کوں مارکیٹ تئیں رسائی، جدت طرازی دے ودھارے، اتے جامع تے پائیدار ترقی کیتے تکنیکی اتے مالی امداد ڈیسی۔ اہداف دے حصول کیتے ای ڈی ایف کوں ہک پیشہ ورانہ طرز تے چلݨ آلے اتے مؤثر نظام دے تحت چلݨ آلے ادارے وچ تبدیل کرݨ دی تجویز ڈتی گئی جئیں اچ نیٹ ورکس اتے اتحاد وی قائم کیتے ویسن۔ ماہرین 13 مالیاتی سہولتاں (فنانسنگ ونڈوز) دے قیام دی سفارش کیتی، جو انفرادی اداریاں دی ترقی، عالمی معیار دی مطابقت، مارکیٹنگ انٹیلی جنس، لیبر پروڈکٹیوٹی، برانڈنگ، مارکیٹ تئیں رسائی، سپلائی چین ڈھانچے، ایکسپورٹ کریڈٹ/انشورنس وغیرہ جیڑھے شعبیاں تے مرکوز ہوسن۔اینویں، نویں مصنوعات اتے مارکیٹاں کیتے ہک چیلنج فنڈ قائم کرن دی تجویز وی ڈتی گئی۔ ریمیٹ ٹیم ای ڈی ایف ایکٹ دے قانونی جائزے، اندرونی ڈھانچے اچ اصلاحات، فنانسنگ ونڈوز دے قیام، فریم ورک معاہدیاں، اتے مانیٹرنگ تے ایویلیویشن سسٹمز تے مشتمل تبدیلی دا منصوبہ وی پیش کیتا۔ بورڈ دے ارکان ٹیم دی کوششاں دی تعریف کیتی اتے سفارشات تے تفصیل نال تبادلہ خیال کیتا۔ بورڈ فنڈ دی کارپوریٹائزیشن اتے اوندے طویل مدتی اثرات تے وی غور کیتا جو اے پاکستان دی برآمدی حکمت عملی تے کیا اثر پیسی۔ اجلاس اچ ایں گالھ تے اتفاق کیتا گیا جو شواہد تے مبنی فیصلہ سازی کیتے ہک پیشہ ورانہ طور تے چلݨ آلے ادارے دی لوڑھ اے۔ اجلاس اچ فیصلہ کیتا گئے جو ای ڈی ایف ایکٹ دا قانونی جائزہ گھنن کیتے ہک قانونی ماہر کوں شامل کیتا ویسی، جڈاں جو بورڈ دے چار نجی اتے ڈو سرکاری ارکان تے مشتمل کمیٹی آئندہ دے لائحہ عمل تے سفارشات پیش کریسی۔