عالمی بینک پاکستان دی ترقی اچ ہک اہم شراکت دار دا کردار ادا کیتے، وزیر اعظم دی عالمی بینک دے وفد نال ڳالھ مہاڑ

اسلام آباد۔22 مئی(اے پی پی)وزیر اعظم محمد شہباز شریف آکھیے جو عالمی بینک پاکستان دی ترقی اچ ہک اہم شراکت دار دے طور تے اہم کردار ادا کیتے، اساں عالمی بینک دے شکر گزار ہیں جو کنٹری پارٹنرشپ پاروں پاکستان اچ 20 ارب ڈالر توں ودھ دی ترقیاتی سرمایہ کاری تھیسی۔ اے گالھ انہاں عالمی بینک دے وفد نال ملݨ ویلھے آکھی ڄیندی اڳواݨی منیجنگ ڈائریکٹر آپریشنز اینا بیئرڈہ (Anna Bjerde) کریندی پئی ہئن۔ وزیر اعظم آکھیا جو حکومت عالمی بینک دی ترقیاتی سرمایہ کاری دے ثمرات سانگے عملی اقدامات کریندی پئی اے، 2022 اچ پاکستان اچ سیلاب نال لکھاں لوکاں دا روزگار اتے املاک متاثر تھیئن، عالمی بینک 2022 دے سیلاب اچ پاکستان اچ متاثرین دا وݙا ہتھ ونݙائے۔ عالمی بینک دی منیجنگ ڈائریکٹر آپریشنز آکھیا جو عالمی بینک پاکستان دے عوام دی ترقی اتے خوشحالی سانگے حکومت اتے ورلڈ بینک گروپ وچال تاریخی شراکت داری کوں اہمیت ݙیندے، پاکستان اتے عالمی بینک وچال شراکت داری دی مضبوطی اتے کنٹری پارٹنرشپ پروگرام سانگے موثر کردار ادا کرݨ تے وزیر اعظم دے مشکور ہیں۔ انہاں آکھیا جو پاکستان دی معاشی شعبے اچ حالیہ کارکردگی اتے استحکام مثالی اے، پاکستان میکرو اکنامک استحکام سانگے مثبت اقدامات ممکن کر ݙکھائن، ایں ساڄھے داری دے مثبت نتائج سانگے تعاون جاری رکھݨ چاہندے ہیں۔ انہاں آکھیا جو وزیر اعظم دی شاندار اتے موثر قیادت پاروں کنٹری پارٹنرشپ فریم ورک کوں دنیا اچ پاکستان ماڈل دے ناں نال منسوب کیتا ویندا پئے۔ انہاں امید کیتی جو وزیر اعظم دا عملی اقدامات تے زور ایں پارٹنرشپ فریم ورک کوں کامیابی ݙویسی۔ ملاقات اچ پاکستان اچ عالمی بینک دے کنٹری ڈائریکٹر ناجے بینحسین سودھا وفاقی وزراء احسن اقبال، احد خان چیمہ، شزہ فاطمہ خواجہ، مشیر وزیر اعظم ڈاکٹر توقیر شاہ، سینیٹر شیری رحمن، رکن قومی اسمبلی ڈاکٹر نفیسہ شاہ اتے متعلقہ اعلی حکام وی موجود ہن۔