پاکستان امن چاہندے ٻھل امن دی خواہش کوں کمزوری نہ سمجھیا ونڄے، اساݙے بھرپور ولدے ڄڳ تے ساݙی صلاحیت ثابت کر ݙتی ہے، صدر آصف علی زرداری

اسلام آباد۔ 22 مئی(اے پی پی)صدر مملکت آصف علی زرداری آکھیے جو پاکستان امن چاہندے ٻھل امن دی خواہش کوں کمزوری نہ سمجھیا ونڄے، اساݙے بھرپور ولدے ڄڳ تے ساݙی صلاحیت ثابت کر ݙتی ہے، اساݙیاں افواج وطن دے چپّے چپّے دا دفاع کرݨ خاݨدن۔ اے ڳالھ انہاں ایوان سدر اسلام آباد اچ سید عاصم منیر کوں فیلڈ مارشل دا اعزاز ݙیوݨ دی تقریب نال خطاب اچ آکھی۔ وزیراعظم شہباز شریف، مسلم لیگ ن دے سربراہ محمد نواز شریف، پاکستان پیپلز پارٹی دے چیئرمین بلاول بھٹو زرداری، وفاقی وزیر اطلاعات و نشریات عطا اللہ تارڑ، وزیر دفاع خواجہ محمد آصف، وزیراعلیٰ پنجاب مریم نواز شریف، وزیراعلیٰ سندھ مراد علی شاہ، وزیراعلیٰ بلوچستان میر سرفراز احمد بگٹی، چاراں صوبیاں دے گورنرز، چیئرمین جوائنٹ چیفس آف سٹاف کمیٹی جنرل ساحر شمشاد مرزا، پاک فضائیہ دے سربراہ ائیر چیف مارشل ظہیر احمد بابر سدھو، سربراہ پاک بحریہ ایڈمرل نوید اشرف، وفاقی کابینہ دے اراکین اتے مختلف ملکاں دے سفارتکاراں دی وݙی تعداد شریک ہئی۔ صدر آصف علی زرداری آکھیا جو تقریب دا مقصد قوم دے بہادر سپوتاں کوں خراج تحسین پیش کرݨ اے، پوری قوم کوں اپݨی بہادر مسلح افواج تے ماݨ اے، سید عاصم منیر کوں فیلڈ مارشل دا اعزاز قابل فخر لمحہ اے، فیلڈ مارشل دا اعزاز ݙیوݨ دی منظوری تے میکوں ٻہوں خوشی تھئی اے۔ انہاں آکھیا جو “معرکہ حق” اچ فیلڈ مارشل سید عاصم منیر فرنٹ توں لیڈ کیتا۔ دشمن دے خلاف پوری قوم اپݨی بہادر افواج دے شانہ بشانہ ہئی۔ اساݙے بھرپور جواب دنیا تے اساݙی صلاحیت ثابت کر ݙتی اے۔ پاکستان امن دا داعی اے ٻھل امن دی خواہش کوں کمزوری نہ سمجھیا ونجے، اساݙیاں افواج وطن دے چپّے چپّے دا دفاع کرݨ جاݨدن۔