جنیوا۔23مئی (اے پی پی) وفاقی وزیر صحت مصطفیٰ کمال آکھیے جو پاکستان ڈبلیو ایچ او مشرقی بحیرہ روم نال اڄوکے تعاون کوں ٻیا مضبوط کریسی۔ انہاں اے ڳالھ ڈبلیو ایچ او مشرقی بحیرہ روم دی ریجنل ڈائریکٹر ڈاکٹر حنان بلخی نال جنیوا اچ تھیوݨ آلی ملاقات اچ آکھی۔ وزارت قومی صحت ولوں جاری بیان موجب ملاقات اچ علاقائی سطح تے صحت دیاں ترجیحات اتے چیلنجز تے ڳالھ مہاڑ کیتی گئی۔ …
پاکستان ڈبلیو ایچ او مشرقی بحیرہ روم نال اڄوکے تعاون کوں ٻیا مضبوط کریسی، وفاقی وزیر صحت دی عالمی ادارہ صحت مشرقی بحیرہ روم دی ریجنل ڈائریکٹر نال ملاقات اچ ڳالھ مہاڑ
مزید خبراں
جنیوا۔23مئی (اے پی پی) وفاقی وزیر صحت مصطفیٰ کمال آکھیے جو پاکستان ڈبلیو ایچ او مشرقی بحیرہ روم نال اڄوکے تعاون کوں ٻیا مضبوط کریسی۔ انہاں اے ڳالھ ڈبلیو ایچ او مشرقی بحیرہ روم دی ریجنل ڈائریکٹر ڈاکٹر حنان بلخی نال جنیوا اچ تھیوݨ آلی ملاقات اچ آکھی۔ وزارت قومی صحت ولوں جاری بیان موجب ملاقات اچ علاقائی سطح تے صحت دیاں ترجیحات اتے چیلنجز تے ڳالھ مہاڑ کیتی گئی۔ فریقین صحت دے شعبے کوں جدید خطوط تے استوار کرݨ کیتے نیڑے دی سانجھے داری کوں ودھاوݨِ اتے مؤثر ریگولیٹری فریم ورک، ٹیلی میڈیسن، مصنوعی ذہانت اتے ݙوجھی نویں ٹیکنالوجیز دے ودھارے اتفاق کیتا جئیں دا مقصد عوام کوں بہتر، مؤثر اتے بروقت طبی سہولتاں ݙیوݨ اے۔ وفاقی وزیر صحت سید مصطفیٰ کمال آکھیے جو صحت دے شعبے اچ ڈبلیو ایچ او دیاں خدمتاں قابل تحسین ہن۔ پاکستان عالمی اداریاں دے تعاون نال قومی صحت دے نظام کوں ٻیا بہتر بݨاون کیتے پرعزم اے۔ انہاں آکھیا جو اے ملاقات مستقبل دی مضبوط شراکت داری دی ہک اہم کڑی ثابت تھیسی۔ ڈاکٹر حنان بلخی پاکستان دی صحت عامہ دے شعبے اچ کوششاں دی تعریف کیتی اتے پورے تعاون دا یقین ݙیوایا۔
