محسن نقوی دا بنوں اچ پولیس چوکی تے حملہ ناکام بݨاوݨ اَتے میانوالی اچ خوارجیاں کوں جہنم واصل کرݨ تے فورسز کوں خراج تحسین

اسلام آباد۔23مئی (اے پی پی) وفاقی وزیر داخلہ محسن نقوی بنوں اچ پولیس چوکی تے حملہ ناکام بݨااوݨ اَتے میانوالی اچ 3 خوارجی دہشت گرداں کوں جہنم واصل کرݨ تے بہادر فورسز کوں خراج تحسین پیش کیتے۔ وزارت داخلہ توں جاری بیان موجب انہاں آکھیے جو بنوں پولیس دے جواناں خوارجی دہشت گرداں دا بہادری نال مقابلہ کریندے ہوئیں حملہ ناکام بݨائے۔ انہاں خوارجی دہشت گرداں دے مذموم عزائم مٹی اچ رلاوݨ تے خیبرپختونخوا پولیس دے جواناں کوں شاباش ݙتی۔ وزیر داخلہ آکھیا جو خیبرپختونخوا پولیس جوانمردی نال دہشت گردی دے خلاف جنگ لڑدی پئی اےِ۔ انہاں مزید آکھیے جو کے پی دے پولیس دے بہادر سپوتاں تے ماݨ اے۔ میانوالی اچ سی ٹی ڈی اہلکاراں دلیری نال دہشت گرداں دا مقابلہ کیتا اَتے 3 دہشت گرداں کوں عبرتناک انجام تئیں پڄایا۔ وزیر داخلہ آکھیے جو سی ٹی ڈی دے جواناں دی پیشہ وارانہ صلاحیتاں تے ماݨ اے ۔ 3 دہشت گرداں کوں جہنم واصل کرݨ تے سی ٹی ڈی دی ٹیم مبارکباد دی مستحق اے