وزارت داخلہ تھائی لینڈ کوں انسانی سمگلنگ دا مرکز ہووݨ دے دعوے کوں مسترد کر ݙتے

اسلام آباد۔23مئی (اے پی پی) وزارت داخلہ و انسداد منشیات تھائی لینڈ کوں بدنام کرݨ اَتے اینکوں انسانی سمگلنگ نیٹ ورکس نال جوڑݨ آلی سوشل میڈیا مہم کوں ‘گمراہ کن اَتے غلط’ قرار ݙیندے مسترد کرݙتے۔ وزارت داخلہ اَتے نارکوٹکس کنٹرول ولوں اتھاں جاری کیتے ڳئے مراسلے موجب تھائی لینڈ انسانی سمگلنگ دا مرکز کائنی ۔ ایندے بجائے، دھوکہ باز اَتے سمگلر آپݨے مفاد کیتے نشوم لوکاں کوں دھوکہ ݙیوݨ اَتے انہاں دا استحصال کرݨ کیتے ملک دے ناں دا غلط استعمال کریندے پئن۔وزارت داخلہ لوکاں کوں خبردار کیتےِ جو او کوڑے وعدیں توں ہوشیار رہن اَتے آپݨے آپ کوں اَتے ݙوجھیں کوں انسانی سمگلنگ دے خطرے توں بچاون۔ ایندے اچ آکھیا ڳئےجے تساکوں سمگلنگ دا شک اے یا تساکوں مدد دی لوڑھ اے تاں وختی حکام کوں ایندی اطلاع ݙیو۔اے ایڈوائزری پاکستانی نوجواناں کوں انسانی سمگلراں اَتے دھوکہ بازاں توں لاحق خطرات توں آگاہ کرݨ دی حکومت دی کوششاں دے حصے دے طور تے سامݨے آئی اےِ۔ وزارت داخلہ انسانی اسمگلنگ دی لعنت نال نبݨݨ کیتے مہم شروع کرݨ، حکومتاں، بین الاقوامی تنظیماں اَتے سول سوسائٹی وچال تعاون اَتے ہم آہنگی دی اہمیت تے زور ݙتا