لاہور۔ 23 مئی (اے پی پی) لاہور ہائی کورٹ دی چیف جسٹس عالیہ نیلم آکھیے جو وکلاء اتے بار ایسوسی ایشنز دے مسئلیں دا حل لاہور ہائی کورٹ دی پہلی ترجیح اے۔ انہاں آکھیے جو بار اتے بینچ دا آپت تعاون ویلھے سِر تے چنڳاں انصاف ݙیوݨ کیتے لازمی اے۔ اے ڳالھ انہاں لاہور ہائی کورٹ اچ آپݨے چیمبر اچ مختلف وکلاء بارز دے نمائندیں کوں ملاقات اچ آکھی ۔ …
چیف جسٹس لاہور ہائی کورٹ نال وکلاء وفد دی ملاقات
مزید خبراں
لاہور۔ 23 مئی (اے پی پی) لاہور ہائی کورٹ دی چیف جسٹس عالیہ نیلم آکھیے جو وکلاء اتے بار ایسوسی ایشنز دے مسئلیں دا حل لاہور ہائی کورٹ دی پہلی ترجیح اے۔ انہاں آکھیے جو بار اتے بینچ دا آپت تعاون ویلھے سِر تے چنڳاں انصاف ݙیوݨ کیتے لازمی اے۔ اے ڳالھ انہاں لاہور ہائی کورٹ اچ آپݨے چیمبر اچ مختلف وکلاء بارز دے نمائندیں کوں ملاقات اچ آکھی ۔ ملاقات اچ بار ایسوسی ایشنز کوں پیش آوݨ آلے مسئلیں تے تفصیلی گالھ مہاڑ تھئی۔ ملاقات کرݨ آلیں اچ لاہور ہائی کورٹ بار ایسوسی ایشن دے صدر ملک آصف احمد نسوانہ، ہائی کورٹ بار ایسوسی ایشن ملتان دے صدر محمد اظہر خان مغل، لاہور بار ایسوسی ایشن دے صدر مبشر رحمان، ضلعی بار ایسوسی ایشن راولپنڈی دے صدر سردار منظر بشیر خان، ضلعی بار ایسوسی ایشن بہاولپور دے صدر ملک محمد عامر اتے ضلعی بار ایسوسی ایشن ملتان دے صدر جاوید علی ݙوگر شامل ہن۔ چیف جسٹس عالیہ نیلم آکھیے جو صوبے دے عوام کوں وختی تے معیاری انصاف ݙیوݨ کیتے ہر ممکن اقدامات کیتے ویندے پئن۔ ملاقات اچ رجسٹرار لاہور ہائی کورٹ امجد اقبال رانجھا وی موجود ہن۔
