نائب وزیراعظم سینیٹر محمد اسحاق ڈار دی زیر صدارت سرکاری شعبے دے ترقیاتی پروگرام 2025 اتے 2026 بارے کمیٹی دا اجلاس

اسلام آباد، 23 مئی(اے پی پی) نائب وزیراعظم اتے وزیر خارجہ سینیٹر محمد اسحاق ڈار سرکاری شعبے دے ترقیاتی پروگرام 2025 اتے 2026 بارے کمیٹی دے اجلاس دی صدارت کیتی۔ اجلاس اچ منصوبہ بندی، اقتصادی امور اتے فوڈ سکیورٹی دے وزراء، وزیراعظم دے مشیر ڈاکٹر توقیر شاہ، سیاسی امور بارے وزیراعظم دے معاون خصوصی، سیکرٹری منصوبہ بندی اتے متعلقہ محکمیاں دے ٻئے اعلیٰ حکام شریک تھئے۔ پلاننگ کمیشن پی ایس ڈی پی دے جاری منصوبیاں دی صورتحال، آندے مالی سال کیتے مجوزہ ترجیحات اتے عملدرآمد سانڳے چیلنجز بارے تفصیلی بریفنگ ݙتی۔ اجلاس اچ مالیاتی رکاوٹاں اچ پبلک پرائیویٹ پارٹنرشپ دی اہمیت تے زور ڈتا ڳیا اتے پی ایس ڈی پی دا تفصیلی جائزہ گھنݨ اتے قابل عمل سفارشات پیش کرݨ کیتے ہک ذیلی کمیٹی ٻݨائی گئی۔ اجلاس اچ جنہاں ترجیحی شعبیاں دی نشاندہی کیتی گئی انہاں اچ توانائی، ٹرانسپورٹ، پاݨی، زراعت، ٹیکنالوجی، انفراسٹرکچر اتے سی پیک فیز ٹو دے تحت سٹریٹجک اقدامات شامل ہن جیندی توجہ محروم علاقیاں کوں بااختیار ٻݨاوݨ اتے قومی پیداواری صلاحیت ودھاوݨ کیتے اے۔