وزیراعظم محمد شہباز شریف 25 توں 30 مئی 2025 دے دوران ترکیہ، ایران، آذربائیجان اتے تاجکستان دا دورہ کریسن، دفتر خارجہ

اسلام آباد۔ 24 مئی (اے پی پی) وزیراعظم محمد شہباز شریف 25 توں 30 مئی 2025 دے دوران ترکیہ، ایران، آذربائیجان اتے تاجکستان دا دورہ کریسن۔ ترجمان دفتر خارجہ توں چھݨ چھݨ کوں جاری اعلامیہ موجب اپݨے چھی ݙینھ دے دورے دے دوران وزیراعظم انہاں ملکاں دے رہنماواں نال ݙو طرفہ تعلقات، علاقائی اتے بین الاقوامی اہمیت دے معاملیں دے حوالے نال ڳالھ مہاڑ کریسن۔ وزیراعظم کوں بھارت نال اڄوکے بحران دے دوران دوست ملکاں ولوں پاکستان دی حمایت دی تعریف اتے انہاں دے کردار دے اعتراف دا موقع وی ملسی۔ وزیر اعظم 29-30 مئی 2025 کوں تاجکستان دے شہر دوشنبے وچ گلیشیئرز تے بین الاقوامی کانفرنس وچ وی شرکت کریسن۔