ذوالحج دا چندر ݙیکھݨ کیتے مرکزی رویت ہلال کمیٹی دا اجلاس  منڳل کوں تھیسی ، وزارت مذہبی امور

اسلام آباد۔24مئی(اے پی پی) ذوالحج دا چندر ݙیکھݨ کیتے مرکزی رویت ہلال کمیٹی دا اجلاس (منڳل) کوں تھیسی۔ ترجمان وزارت مذہبی امور آکھیے جو ذوالحج 1446 ہجری دے چندر دی رویت کیتے مرکزی رویت ہلال کمیٹی دا اجلاس وزارت مذہبی امور و بین المذاہب ہم آہنگی، کوہسار بلاک اسلام آباد دی چھت اُتے انشاء اللہ 27 مئی 2025، بروز منگل (بمطابق 29 ذوالقعد) شام 6:30 وڄے تھیسی۔ ٻیاں زونل/ ڈسٹرکٹ کمیٹیاں دے اجلاس اپݨے اپݨے علاقیں اچ ہکے ویلھے تے تھیسن۔ سنٹرل کمیٹی دے ممبران اسلام آباد اچ تھیوݨ آلے اجلاس اچ شرکت کریسن اتے زونل/ ڈسٹرکٹ کمیٹیاں دے ممبران اپݨے اپݨے ہیڈکوارٹرز اُتے اجلاس اچ شریک تھیسن۔