موثر سفارت کاری دا منڈھ سانجھی ہمدردی، تفہیم اتے نیک نیتی اُتے مبنی مکالمہ موثر سفارت کاری دی بنیاد ہووے، ڈاکٹر مصدق ملک

اسلام آباد۔24مئی (اے پی پی) وفاقی وزیرماحولیاتی تبدیلی اتے ماحولیاتی ہم آہنگی ڈاکٹر مصدق ملک آکھیے جو موثر سفارت کاری دا منڈھ سانجھی ہمدردی، تفہیم اتے نیک نیتی اُتے مبنی مکالمے اُتے ہووݨی چاہیدی اے، دیرتئیں امن دا قیام اقوامِ عالم دے وقار دے احترام اتے جھیڑیں دے ترجیحی حل نال ہی ممکن اے۔ وفاقی وزیر ڈاکٹر مصدق ملک پاکستان انسٹیٹیوٹ پارلیمانی خدمات (PIPS) اچ منعقدہ ہک پینل سیشن “اختلاف کائنی، مکالمہ: امریکہ–پاکستان تعلقات اچ جھیڑے دا حل، سفارت کاری اتے قانون دی حکمرانی” اچ شرکت کیتی۔وزارتِ موسمیاتی تبدیلی و ماحولیاتی ہم آہنگی ولوں جاری اعلامیہ موجب اجلاس سینئر سفارت کاراں، پالیسی ماہرین اتے حکومتی عہدیداراں دی موجودگی اچ منعقد کیتا ڳیا جیں اچ عالمی و علاقائی جھیڑیں دے پرامن حل اتے اصولی سفارت کاری دی اہمیت اُتے سیر حاصل ڳالھ مہاڑ کیتی ڳئی۔ پینل نال خطاب کریندے ہوئیں وفاقی وزیر ایں امر اُتے زور فتا جو موثر سفارت کاری دی بنیاد باہمی ہمدردی، تفہیم اتے نیک نیتی اُتے مبنی مکالمے اُتے ہووݨی چاہیدی اے۔ انہاں آکھیے جو دیرپا امن دا قیام ایں صورت ممکن اے جݙاں اقوامِ عالم ہک ݙوجھے دے وقار دا احترام کرن اتے کہیں بالادست دے بغیر جھیڑے دے حل کوں ترجیح ݙیون۔اڄوکی پاک–بھارت کشیدگی دا حوالہ ݙیندے ڈاکٹر مصدق ملک آکھیے جو پاکستان ہک طرفہ جارحیت دا مسلسل نشانہ بݨدا رہیے۔ انہاں واضح کیتے جو بھارت ولوں نہ صرف شہری علاقیں کوں نشانہ بݨایا ڳئے بلکہ آبی تنصیبات اُتے وی حملے کیتے ڳئن جیں دے نتیجے اچ نشوم شہریاں دیاں جاناں ضائع تھیاں۔ انہاں حالات اچ پاکستان کوں مکمل حق حاصل ہئی جو او ایں شدت نال جواب ݙیوے تاں جو پاکستان بین الاقوامی ذمہ داری دا مظاہرہ کریندے صرف فوجی اہداف تئیں اپݨی کارروائی محدود رکھی۔