وزیراعظم دا خضدارسکول بس تے دہشتگرداں دے حملے وچ زخمی تھیوݨ آلے ݙو ٻالاں دی شہادت تے ݙکھ تے افسوس

اسلام آباد۔ 25 مئی (اے پی پی) وزیراعظم محمد شہباز شریف خضدار وچ سکول بس تے بھارتی سرپرستی وچ کم کرݨ آلے دہشتگرداں دے بزدلانہ حملے وچ زخمی تھیوݨ آلے ݙو ٻالاں دی شہادت تے ݙکھ تے افسوس کیتے ، انہاں آکھیے بھارتی سرپرستی وچ پلݨ آلے ایں دہشتگرداں کوں انہاں دے انجام تئیں پڄا تے ساہ گھنسوں۔ وزیراعظم دفتر دے میڈیا ونگ توں جاری بیان موجب وزیرِاعظم ٻالاں دے والدین نال ہمدردی دا اظہار وی کیتا۔ وزیراعظم آکھیے بھارتی سرپرستی وچ کم کرݨ آلے دہشتگرداں دا سکول بس وچ نشوم ٻالاں تے حملہ انہاں دی بلوچستان وچ تعلیم دشمنی دا مُنہ ٻولیندا ثبوت اے۔ دہشتگرداں درندگی دیاں ساریاں حداں پار کرݙتن۔ بھارتی سرپرستی وچ پلݨ آلے ایں دہشتگرداں کوں انہاں دے انجام تئیں پڄا تے ساہ گھنسوں۔ وزیراعظم آکھیے بھارتی حمایت یافتہ ایں دہشتگرداں دے بلوچستان دے امن کوں خراب کرݨ دے ناپاک عزائم کوں مٹی اچ رلاوݨ کیتے کوئی کسر نہ چھوڑی ویسی۔ پاکستان دے مستقبل نکے و نشوم ٻالاں کوں نشانہ بݨاوݨ آلے ایں دہشتگرداں کوں کیفر کردار تئیں پُڄایا ویسی۔ وزیراعظم آکھیے میں سودھے پوری قوم دیاں ہمدردیاں دہشتگرداں دی بربریت دا نشانہ بݨݨ آلے نشوم ٻالاں دے گھرآلیں نال ہن، سکیورٹی فورسز اَتے حکومت پاکستان ملک توں دہشتگردی منڈھوں مکاوݨ سانڳے پرعزم اَتے ھک مٹھ ہن۔