وزیر ریلوے محمد حنیف عباسی دا عید الاضحٰی تے مختلف شہراں توں پنج عید سپیشل ٹریناں چلاوݨ دا فیصلہ

لاہور ۔26 مئی (اے پی پی) عید الاضحٰی دے موقع تے اضافی رش پاروں صوبائی دارالحکومت سودھے ملک دے مختلف شہراں توں پنج عید سپیشل ٹریناں چلاوݨ دا فیصلہ کیتا ڳئے۔ ترجمان ریلوے موجب پہلی سپیشل ٹرین ایں سال 2 جون کوں کراچی کینٹ ریلوے اسٹیشن توں ݙوپیہر 1 وجے روانہ تھی تے براستہ مین لائن ملتان، ساہیوال توں تھیندی اگلے ݙینھ سویر 10 وجے لاہور پُجسی جݙاں جو ݙوجھی ٹرین 3 جون کوں کوئٹہ توں پشاور کیتے ݙینھ 10 وجے روانہ تھی تے براستہ مین لائن ملتان، ساہیوال توں تھیندی اگلے ݙینھ رات 10 وج تے 30 منٹ تے پشاور کینٹ پُجسی، تریجھی سپیشل ٹرین 3 جون کوں لاہور توں کراچی کیتے شام 5 وجے روانہ تھی تے براستہ مین لائن توں تھیندی اگلے ݙینھ ݙوپیہر 2 وجے کراچی کینٹ سٹیشن پُجسی جݙاں جو چوتھی سپیشل ٹرین 3 جون کوں کراچی کینٹ توں راولپنڈی کیتے رات 7 وج تے 30 منٹ تے روانہ تھی تے براستہ شور کوٹ، فیصل آباد اتے لالہ موسی توں تھیندی تریجھے ݙینھ رات 1 وج تے 15 منٹ تے راولپنڈی پُجسی۔ اینویں چھیکڑی اتے پنجویں عید سپیشل ٹرین 4 جون کوں کراچی کینٹ توں لاہور کیتے رات 7 وج تے 30 منٹ تے روانہ تھی تے براستہ مین لائن ملتان، فیصل آباد توں تھیندی اگلے ݙینھ شام 5 وج تے 30 منٹ تے لاہور پُجسی۔