تہران۔26مئی (اے پی پی) وزیراعظم محمد شہباز شریف ڈو ݙینھ دے دورے تے ایران دے دارالحکومت تہران پڄ گئن۔ مہرآباد ایئر پورٹ تے ایرانی وزیر داخلہ سکندر مومنی، پاکستان اچ ایران دے سفیر رضا امیری مقدم، پاکستان دے ایران اچ سفیر مدثر ٹیپو اتے اعلیٰ سفارتی حکام وزیراعظم شہباز شریف اتے پاکستانی وفد دا استقبال کیتا۔ وزیراعظم آفس دے میڈیا ونگ ولوں سنوار کوں جاری بیان موجب وزیراعظم محمد شہباز …
وزیراعظم محمد شہباز شریف تہران پڄ گئے
مزید خبراں
تہران۔26مئی (اے پی پی) وزیراعظم محمد شہباز شریف ڈو ݙینھ دے دورے تے ایران دے دارالحکومت تہران پڄ گئن۔ مہرآباد ایئر پورٹ تے ایرانی وزیر داخلہ سکندر مومنی، پاکستان اچ ایران دے سفیر رضا امیری مقدم، پاکستان دے ایران اچ سفیر مدثر ٹیپو اتے اعلیٰ سفارتی حکام وزیراعظم شہباز شریف اتے پاکستانی وفد دا استقبال کیتا۔ وزیراعظم آفس دے میڈیا ونگ ولوں سنوار کوں جاری بیان موجب وزیراعظم محمد شہباز شریف کوں مہرآباد ایئرپورٹ تے ایرانی فوج دے چاق و چوبند دستے سلامی ݙتی۔وفد اتے اہم ملاقاتاں نائب وزیراعظم تے وزیرِ خارجہ محمد اسحاق ڈار، چیف آف آرمی سٹاف فیلڈ مارشل سید عاصم منیر، وفاقی وزیر داخلہ سید محسن رضا نقوی، وفاقی وزیر اطلاعات عطااللہ تارڑ اتے معاون خصوصی سید طارق فاطمی دورہ ایران اچ وزیرِ اعظم دے وفد اچ شامل ہن۔دورے اچ وزیراعظم محمد شہباز شریف ایرانی صدر ڈاکٹر مسعود پزشکیان نال ملاقات کیتے سعدآباد پیلس تہران ویسن جتھاں انہاں کوں گارڈ آف آنر پیش کیتا ویسی۔ بعد اچ وزیراعظم اتے پاکستانی وفد دی ایرانی صدر اتے انہاں دے وفد نال ملاقات تھیسی جیندے اچ ݙوہاں ملکاں وچال ݙو پاسہ تعاون دے ودھارے اتے پاکستان تے بھارت دی حالیہ مسلط کردہ جنگ اچ پاکستان دی حمایت اتے جنوبی ایشیاء اچ امن دی کوششاں تے وزیراعظم ایرانی صدر تے عوام دا شکریہ ادا کریسن۔وزیراعظم اتے پاکستانی وفد ایران دے سپریم لیڈر آیت اللہ سید علی خامنہ ای نال ملاقات کریسی جیندے اچ ݙو پاسہ معاملیاں دے علاوہ اہم علاقائی معاملیاں تے ڳالھ مہاڑ تھیسی۔ وزیرِ اعظم تے پاکستانی وفد ایرانی صدر ڈاکٹر مسعود پزشکیان ولوں ݙتے ڳئے عشائیے اچ وی شرکت کریسی۔
