راولپنڈی۔27 مئی (اے پی پی) آرمی چیف فیلڈ مارشل سید عاصم منیر جنرل سٹاف ہیڈ کوارٹرز تہران دا دورہ کیتا۔ منگل کوں آئی ایس پی آر توں جاری بیان موجب، فیلڈ مارشل سید عاصم منیر دی ایرانی مسلح افواج دے چیف آف جنرل سٹاف میجر جنرل محمد باقری نال ملاقات تھئی۔ ݙوہیں ملکاں دیاں فوجاں دے سربراہان ݙو پاسہ دفاعی تعلقات کوں مضبوط ٻݨاوݨ تے خاص توجہ ݙتی اتے علاقائی …
سید عاصم منیر دی ایرانی مسلح افواج دے چیف آف جنرل سٹاف نال ملاقات، دفاعی تعلقات اتے علاقائی سلامتی تے ڳالھ مہاڑ
مزید خبراں
راولپنڈی۔27 مئی (اے پی پی) آرمی چیف فیلڈ مارشل سید عاصم منیر جنرل سٹاف ہیڈ کوارٹرز تہران دا دورہ کیتا۔ منگل کوں آئی ایس پی آر توں جاری بیان موجب، فیلڈ مارشل سید عاصم منیر دی ایرانی مسلح افواج دے چیف آف جنرل سٹاف میجر جنرل محمد باقری نال ملاقات تھئی۔ ݙوہیں ملکاں دیاں فوجاں دے سربراہان ݙو پاسہ دفاعی تعلقات کوں مضبوط ٻݨاوݨ تے خاص توجہ ݙتی اتے علاقائی سلامتی دے بدلدے ہوئے منظرنامے تے گالھ مہاڑ کیتی۔ ایندے اچ آپسی دلچسپی دے اہم شعبیاں وچ ملٹری ٹو ملٹری تعاون کوں ودھاوݨ، مشترکہ سرحد تے سکیورٹی میکانزم کوں بہتر ٻݨاوݨ اتے سرحدی علاقیاں کوں تجارتی اتے اقتصادی رابطیاں دے زونز وچ بدلݨ دے رستے لبھݨ شامل ہن، جئیں نال علاقائی استحکام اتے خوشحالی وچ مدد ملسی۔فیلڈ مارشل سید عاصم منیر دے پجّݨ تے انہاں دا شاندار استقبال کیتا ڳیا۔ ایرانی مسلح افواج دے چاق و چوبند دستے انہاں کوں گارڈ آف آنر پیش کیتا۔ فیلڈ مارشل سید عاصم منیر وزیراعظم پاکستان دے نال ایں توں پہلے ایران دے سپریم لیڈر سید آیت اللہ خامنہ ای اتے ایران دے صدر ایچ ای مسعود پیزشکیان نال ملاقات کیتی ہئی۔ فیلڈ مارشل دوست ملکاں دے سرکاری دورے تے وزیراعظم دے وفد دے نال ہن۔
