یوم تکبیر پاکستان دی برتری اتے مضبوطی یاد ݙویندے، وطن عزیز کوں ایٹمی طاقت بݨاوݨ آلے ہر ڄݨے تے ماݨ اے، عبدالعلیم خان

اسلام آباد۔27مئی (اے پی پی)استحکام پاکستان پارٹی دے مرکزی صدر اَتے وفاقی وزیر مواصلات عبدالعلیم خان آکھیے جو یوم تکبیر پاکستان دی برتری اتے مضبوطی یاد ݙویندے، وطن عزیز کوں ایٹمی طاقت بݨاوݨ آلے ہر ڄݨے تے ماݨ اے، دفاع وطن کوں ناقابل تسخیر بݨاوݨ آلیاں کوں خراج عقیدت پیش کریندے ہیں۔ یوم تکبیر تے اپݨے سنیہے اچ انہاں آکھیا جو ایں سال یوم تکبیر “معرکہ حق” سانڳے ݙوڑیاں خوشیاں گھن آئے جیندے تے ساݙی ایٹمی صلاحیت ہووݨ دا عملی چٻوت وی مل ڳئے۔ انہاں آکھیا جو اساں یوم تکبیر تے اللہ دا شکر ادا کریندے ہیں اتے اعادہ کریندے ہیں جو اللہ تعالیٰ تے بھروسہ رکھݨ آلے کݙاہیں وی اوندی رحمت توں مایوس نئیں تھیندے۔ صدر استحکام پاکستان پارٹی آکھیا جو مضبوط دفاعی حصار رکھݨ دے باوجود پاکستان خطے اچ ہمیشہ امن کوں ترجیح ݙتی، طاقت دے توازن دا خیال رکھیے، ایں سانڳے ایٹمی طاقت ہووݨ پاروں پاکستان دا ذمہ دارانہ کردار ٻہوں تعریف دے قابل اے۔