ذوالحج 1446 ہجری دا چندر نئیں ݙسیا، یکم ذوالحج 29 مئی خمیس اتے عیدالاضحی چھݨ چھݨ 7 جون کوں منائی ویسی

اسلام آباد۔27مئی(اے پی پی)مرکزی رویت ہلال کمیتی اعلان کیتے جو ذوالحج 1446 ہجری دا چندر نئیں ݙسیا، یکم ذوالحج 29 مئی خمیس اتے عیدالاضحی چھݨ چھݨ 7 جون کوں منائی ویسی۔ مرکزی رویت ہلال کمیٹی دا اجلاس اسلام آباد اچ کمیٹی دے چیئرمین مولانا محمد عبدالخبیر آزاد دی صدارت اچ تھیا۔ اجلاس اچ کمیٹی دے ارکان سودھا متعلقہ سرکاری اداریاں دے افسران شرکت کیتی۔ ملک بھر اچ زونل اَتے ضلعی رویت ہلال کمیٹیاں دے اجلاس اپݨے اپݨے متعلقہ علاقیاں اچ تھئے۔ چندر دی رویت دے حوالے نال ملک بھر توں ملݨ آلیاں اطلاعات سانڳے مرکزی رویت ہلال کمیٹی دے چیئرمین اجلاس دے بعد پریس کانفرنس کریندے اعلان کیتے جو ملک بھر اچ کتھائیں وی ذوالحج 1446 ہجری دا چندر نظر آوݨ دی شہادت نئیں ملی، ایں سانڳے یکم ذوالحج 29 مئی خمیس کوں ہوسی اَتے عیدالاضحی ہفتہ 7 جون کوں منائی ویسی۔