وزیر اعظم محمد شہباز شریف اڄ آذربائیجان دے شہر لاچین اِچ مصروف ڈینھ گزریسن

لاچین ۔28مئی (اے پی پی) وزیر اعظم محمد شہباز شریف اڄ آذربائیجان دے شہر لاچین وِچ ہِک مصروف ڈینھ گزریسن۔ وزیر اعظم آفس پریس وِنگ ولوں جاری اعلامیے موجب، وزیر اعظم محمد شہباز شریف پاکستان-ترکیہ-آذربائیجان سہ فریقی اجلاس اِچ شرکت اَتے خطاب کریسن۔ وزیر اعظم دا خطاب پی ٹی وی نیوز تے براہ راست نشر کیتا ویسی۔ انہاں دا خطاب پاکستان دے معیاری ویلھے دے مطابق ݙوپہر 2 وڄے 45 منٹ توں تریجھی پیہر 3 وڄ تے 45 منٹ وچال متوقع اے۔ وزیر اعظم آفس دے مطابق، وزیر اعظم محمد شہباز شریف، ترکیہ اَتے آذربائیجان دے صدور دے رَل تے آذربائیجان دے یوم آزادی بارے تقریب اِچ وی شریک تھیسن اَتے تقریب توں خطاب وی کریسن جیڑھا پاکستان دے معیاری ویلھے دے مطابق 4 وڄے  توں شام 6 وڄے وچال پی ٹی وی نیوز تے براہ راست نشر کیتا ویسی۔