اسلام آباد۔28مئی (اے پی پی) وفاقی وزیر نیشنل فوڈ سکیورٹی اینڈ ریسرچ رانا تنویر حسین یوم تکبیر تے قوم، سائنسداناں اَتے بہادر مسلح افواج کوں سلام پیش کریندیں ہوئیں ہک مضبوط، خوشحال اَتے لچکدار پاکستان دی تعمیر دے اجتماعی عزم دا اعادہ کیتا۔ یوم تکبیر بارے آپݨے خصوصی سنیھے اچ رانا تنویر حسین یوم تکبیر تے اتحاد کوں اجاگر کریندیں ہوئیں ہک مضبوط اَتے خوشحال پاکستان دی تعمیر سانڳے اجتماعی …
قوم خوشحال پاکستان دے عہد دے نال یوم تکبیر منیندی پئی اے، وفاقی وزیر نیشنل فوڈ سیکورٹی اینڈ ریسرچ رانا تنویر حسین
مزید خبراں
اسلام آباد۔28مئی (اے پی پی) وفاقی وزیر نیشنل فوڈ سکیورٹی اینڈ ریسرچ رانا تنویر حسین یوم تکبیر تے قوم، سائنسداناں اَتے بہادر مسلح افواج کوں سلام پیش کریندیں ہوئیں ہک مضبوط، خوشحال اَتے لچکدار پاکستان دی تعمیر دے اجتماعی عزم دا اعادہ کیتا۔ یوم تکبیر بارے آپݨے خصوصی سنیھے اچ رانا تنویر حسین یوم تکبیر تے اتحاد کوں اجاگر کریندیں ہوئیں ہک مضبوط اَتے خوشحال پاکستان دی تعمیر سانڳے اجتماعی کوششاں دی لوڑھ تے زور ݙتا۔ رانا تنویر حسین پاکستان کوں دنیا دا ستواں اَتے پہلا اسلامی ایٹمی ملک بݨاوݨ بارے سابق وزیر اعطم محمد نواز شریف کوں خراج تحسین پیش کیتا اَتے سائنس داناں دیاں خدمتاں کوں وی سراہیا۔ انہاں آکھیا جو پاکستان دی ترقی، خوشحالی اَتے دفاع سانڳے قومی اتحاد ضروری اے۔ انہاں ٻیا آکھیا جو عالمی دباؤ دے باوجود پاکستان کݙاہیں وی اپݨے قومی وقار تے سمجھوتہ کائینی کیتا۔ وفاقی وزیر آکھیا جو پاکستان ایٹمی طاقت بݨ تے اپݨی دفاعی طاقت دا مظاہرہ کیتا اَتے اے ݙینھ اساکوں اتحاد، حوصلے اَتے خود ارادیت دا سبق ݙیندے۔ رانا تنویر حسین ایں ڳالھ تے زور ݙتا جو قومی سلامتی اساݙی پہلی ترجیح اے۔ انہاں آکھیا جو آؤ اساں آپݨی لگن اَتے وفاداری دے عزم دی تجدید کریندیں ہوئیں آپݨی آوݨ آلی نسلاں سانڳے ہک خوشحال ملک دی تعمیر دا عہد کروں۔
