پاکستان، آذربائیجان تے ترکیہ ترائے ملک پراساݙا دل ہک اے، وزیراعظم شہباز شریف

اسلام آباد۔29 مئی (اے پی پی) وزیراعظم محمد شہباز شریف یوم تکبیر دے تاریخی ڈینہہ تے ترکیہ دے صدر رجب طیب اردوان اتے آذربائیجان دے صدر الہام علیوف دے نال لاچین اچ آپݨی موجودگی کوں آپݨے کیتے قابل اعزاز قرار ݙیندیں ہوئیں آکھیا جو اساݙا برادر ملک آذربائیجان آپݨا یوم آزادی جڈانجو پاکستان یوم تکبیر منیندا پئے ۔وزیراعظم سماجی رابطہ دی ویب سائٹ ایکس تے اپݨے سنیھے اچ ترکیہ اتے آذربائیجان دے صدور دے نال آپݨی تصویر شیئر کریندیں ہوئیں آکھیا جو ترائیں ملکاں دی قیادت وچال ملاقات ہک ٻئے نال انہاں دے برادرانہ تعلقات اتے ہمیشہ ہک نال کھڑے تھیوݨ اتے علاقائی امن ، خوشحالی اتے تعاون دے فروغ کیتے رَل تے کم کرݨ دے عزم دی عکاسی کریندی اے ۔وزیراعظم آکھیا جو اساں ترائے قوماں ہئیں پَر اساݙا دل ہک اے۔