اسلام آباد۔29 مئی(اے پی پی)وفاقی وزیر مواصلات عبدالعلیم خان نیشنل لاجسٹک سیل دے ڈائریکٹر جنرل میجر جنرل فرخ شہزاد رائو نال ملین مشترکہ اجلاس دی اڳواݨی کیتی۔ وفاقی وزیر مواصلات آکھیا جو مربوط منصوبہ بندی کیتے متعلقہ اداریاں اتے وزارتاں دا مشترکہ فورم ہووݨا چاہیدے ڄیرھا تجارت دے ودھارے اتے راہداری روابط اچ اہم کردار ادا کریندے۔ ڈائریکٹر جنرل این ایل سی میجر جنرل خرم شہزاد رائو وفاقی وزیر …
وفاقی وزیر مواصلات عبدالعلیم خان دی ڈی جی این ایل سی نال ملاقات، مشترکہ اجلاس اچ شرکت
مزید خبراں
اسلام آباد۔29 مئی(اے پی پی)وفاقی وزیر مواصلات عبدالعلیم خان نیشنل لاجسٹک سیل دے ڈائریکٹر جنرل میجر جنرل فرخ شہزاد رائو نال ملین مشترکہ اجلاس دی اڳواݨی کیتی۔ وفاقی وزیر مواصلات آکھیا جو مربوط منصوبہ بندی کیتے متعلقہ اداریاں اتے وزارتاں دا مشترکہ فورم ہووݨا چاہیدے ڄیرھا تجارت دے ودھارے اتے راہداری روابط اچ اہم کردار ادا کریندے۔ ڈائریکٹر جنرل این ایل سی میجر جنرل خرم شہزاد رائو وفاقی وزیر مواصلات کوں ادارے دی کارکردگی اتے مجوزہ منصوبیاں تے بریفنگ ݙتی۔ چیئرمین این ایچ اے اتے ٻئے حکام ݙوہاں اداریاں وچال مشترکہ امور دا ݙسایا۔ ایں موقع تے وفاقی وزیر مواصلات عبدالعلیم خان نیشنل ہائی وے اتھارٹی دے “سالانہ مینٹینس پلان” بارے جائزہ اجلاس دی وی اڳواݨی کیتی اتے اڳو تے این ایچ اے دیاں ساریاں مرمتی سکیماں مجاز فورم توں منظور کراوݨ دی ہدایت کیتی اتے آکھیا جو مرمتی سکیماں دی منظوری بالکل شفاف تھیوݨی چاہیدی اے جیندے کیتے کفایت شعاری، مطلوبہ معیار اتے طویل مدت دا فائدہ رہنما اصول ہین تاں جو لوکاں کوں سفری سکھ ملے۔ وفاقی سیکرٹری مواصلات اتے چیئرمین نیشنل ہائی وے اتھارٹی وفاقی وزیر کوں این ایچ اے دے سالانہ مینٹینس پلان بارے بریفنگ وی ݙتی۔
