رومانیہ دے سفیر دی منیجنگ ڈائریکٹر اے پی پی محمد عاصم کھچی نال ملاقات

اسلام آباد۔ 29 مئی (اے پی پی)پاکستان اچ رومانیہ دے سفیر ڈاکٹر ڈین سٹوینیسکو قومی خبر رساں ادارے ایسوسی ایٹڈ پریس آف پاکستان (اے پی پی) دے منیجنگ ڈائریکٹر محمد عاصم کھچی نال ملین اتے ݙوہاں ملکاں وچال میڈیا دے شعبے اچ تعاون تکڑا کرݨ تے ڳالھ مہاڑ کیتی۔ سفیر خبریں دے تبادلے کوں ودھاوݨ کیتے “اے پی پی” اتے رومانیہ دے خبر رساں ادارے “ایجر پریس” وچال صحافیاں دے تبادلے دی اہمیت کوں اڳونہا کیتے اتے اڄوکے ڈیجیٹل دور اچ جدید معلوماتی ذریعیاں دے موثر استعمال دی لوڑھ تے زور ݙتا۔ ایم ڈی “اے پی پی” اتے رومانیہ دے سفیر کثیر الجہتی اشتراک کاری سودھا میڈیا انڈسٹری اچ تعاون ٻیا ودھاوݨ دے طریقیاں تے وی الایا۔ انہاں خبراں دے تبادلے اچ ودھ ڳانݙھے اتے ساڄھے داری دے آپسی فائدے اچ رل تے کم کرݨ دا عزم دوہرائے۔ سفیر ڈاکٹر ڈین سٹوینیسکو سیاحت، تعلیم اتے عوامی سطح تے رابطیاں دے ودھارے اچ تعاون ودھاوݨ دا آکھیا تاں جو ݙوہاں قوماں وچال بہتر افہام و تفہیم ودھائی ونڄ سڳے۔ منیجنگ ڈائریکٹر عاصم کھچی ݙوہاں ملکاں وچال ابلاغ دے شعبے اچ تعاون اتے خبریں دے تبادلے کیتے “اے پی پی” ولوں ہر ممکن تعاون دی یقین دہانی کرائی۔ انہاں مہمان سفیر کوں یادگاری شیلڈ وی پیش کیتی۔