صدر آصف علی زرداری دا بلوچستان اچ فتنہ الہندوستان دے 5 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔ 29 مئی(اے پی پی)صدر مملکت آصف علی زرداری بلوچستان اچ 2 مختلف کاروائیاں اچ فتنہ الہندوستان دے 5 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کریندے آکھیے جو سکیورٹی فورسز دہشت گردی دی لعنت مکاوݨ کیتے کاروائیاں کریندیاں پئن۔ صدر مملکت انٹیلیجنس بنیاد تے کامیاب آپریشن اچ بھارتی سپانسرڈ دہشت گرداں کوں مکاوݨ تے سکیورٹی فورسز دی بہادری دی تعریف کیتی۔ انہاں ملک توں فتنہ الہندوستان دے مکمل خاتمے دا عزم دوہرایا اتے آکھیا جو پوری قوم دہشت گردی دے خلاف متحد اے۔ صدر مملکت آکھیا جو دہشت گردی دے مکمل خاتمے تئیں فتنہ الہندوستان دے خلاف کاروائیاں جاری رہسن۔