اسلام آباد۔ 30 مئی(اے پی پی) نائب وزیر اعظم اتے وزیر خارجہ سینیٹر محمد اسحاق ڈار کابل اچ پاکستان دے ناظم الامور کوں سفیر دی سطح تئیں اپ گریڈ کرݨ دا اعلان کیتے۔ سوشل سائیٹ ایکس تے اپݨی ہک پوسٹ اچ نائب وزیر اعظم آکھیا جو ایں سال 19 اپریل کوں پاکستانی وفد نال کابل دے انتہائی نتیجہ خیز دورے دے بعد پاکستان اتے افغانستان دے تعلقات مثبت سمت اچ اڳو تے ودھدے پئن۔ انہاں آکھیا جو ایں رفتار کوں برقرار رکھݨ کیتے میکوں حکومت پاکستان دے کابل اچ اپݨے چارج ڈی افیئرز دی سطح کوں سفیر دی سطح تئیں اپ گریڈ کرݨ دے فیصلے دا اعلان کریندے ٻہوں خوشی تھیندی پئی اے، اے اقدام ݙوطرفہ رابطیاں کوں ودھیسی اتے اقتصادی، سکیورٹی، سی ٹی اتے تجارتی شعبیاں اچ پاک افغان تعاون کوں ٻیا تکڑا کرݨ اچ ہتھ ونݙیسی۔
