سیالکوٹ۔ 02 جون (اے پی پی) وزیر دفاع خواجہ محمد آصفآکھیے جو پنجاب اسمبلی دے حلقہ پی پی 52 سیالکوٹ IX دے ضمنی انتخاب اچ پاکستان مسلم لیگ (ن) دی امیدوار حنا ارشد دی جت ایں پوری ٹیم دی جت اے جیڑھی وزیر اعلیٰ پنجاب مریم نواز شریف تے پنجاب حکومت دی قیادت اچ گھر گھر ونڄ تے ووٹ منڳدی رہی، تے اے سَبھ لوک مبارکباد دے حقدار ہن۔ اے ڳالھیں انہاں (ن) لیگی امیدوار حنا ارشد دے گھر ونڄ تے اتھاں موجود (ن) لیگی کارکناں نال خطاب کریندے ہوئیں آکھیاں۔ انہاں آکھیے جو میں سیالکوٹ، نارووال، گوجرانوالہ، گجرات اتے لاہور سودھے پورے پنجاب توں اتھاں آتے ایں حلقے دی انتخابی مہم اچ حصہ گھنݨ آلے سارے عوامی نمائندیں تے عہدیداراں دا شکریہ ادا کرینداں جو انہاں دی محنت رنگ گھن آئی تے ساݙی دھی حنا ارشد کوں اللہ تعالیٰ کامیابی نال نوازیا۔ انہاں آکھیے جو اے ایں پوری ٹیم دی کامیابی اے جئیں گھر گھر ونڄ تے ووٹ منگیا اتے ول عوام جیویں ردعمل ݙتا او تعریف دے قابل اے۔ انہاں آکھیے جو حکومت پنجاب جئیں شاندار انداز اچ ایں ضمنی انتخاب دی مہم کوں چلائے اتے مختلف عوامی نمائندیں تے عہدیداراں محنت کیتی اے جے ایویں اساں انتخابات لڑدے رہوں تاں دنیا دی کوئی وی طاقت پاکستان مسلم لیگ (ن) کوں ہرا نی سڳدی۔ وزیر دفاع آکھیے پی پی 52 سیالکوٹ IX دے ضمنی انتخاب اچ کامیابی دا سہرا وزیراعلیٰ پنجاب مریم نواز شریف دے سِر ہے جیڑھا انہاں پختہ عزم نال ایں حلقے دی انتخابی مہم کوں چلائے تے کامیابی حاصل کیتی۔ انہاں آکھیے اے اللہ تعالیٰ اساں تے ٻہوں وݙی کرم نوازی تے مہربانی کیتی اے اتے میں حنا ارشد دی سیاسی زندگی دی کامیابی کیتے دعا کرینداں۔
