اسلام آباد۔02 جون(اے پی پی) پاکستان بھارتی رہنماواں اتے بھارتی وزارت خارجہ دے ترجمان دے نویں بیانات تے سخت ردعمل ݙیندے آکھیے جو بھارت تڑیاں ،غلط بیانی یا طاقت دے ذریعے اپݨے مقصد حاصل نی کر سڳدا۔ پاکستان امن تے تعمیری مصروفیات کیتے پرعزم اے لیکن او کہیں وی جارحیت دے خلاف اپݨی خودمختاری تے علاقائی سالمیت دے دفاع کیتے پرعزم اے۔ دفتر خارجہ دے ترجمان آپݨے بیان اچ بھارتی رہنماواں دے پاکستان مخالفانہ بیانات اتے 29 مئی کوں بھارتی وزارت خارجہ دے ترجمان دے ریمارکس بارے ذرائع ابلاغ دے سوالاں دا جواب ݙیندے آکھیے جو بھارتی قیادت دے اڄوکے ریمارکس ہک گہری پریشان کن ذہنیت دی عکاسی کریندن جیڑھی امن تے دشمنی کوں ترجیح ݙیندی اے۔ انہاں آکھیے جو پاکستان کوں علاقائی عدم استحکام دے ماخذ دے طور تے پیش کرݨ دی کوئی وی کوشش حقیقت توں ہٹ تے ہے۔ ترجمان آکھیا جو عالمی برادری بھارت دے جارحانہ رویے دے ریکارڈ توں چنڳی طرح واقف اے جئیں اچ پاکستان دے اندر دہشت گردی دیاں کاروائیاں دی دستاویزی حمایت وی شامل اے، ایں حقائق کوں کھوکھلے بیانیے یا متنفر ہتھکنڈیاں نال لکایا نی ونڄ سڳدا، جھیڑا جموں و کشمیر خطے اچ امن و استحکام کوں خطرہ بݨاوݨ آلا بنیادی مسئلہ اے، پاکستان اقوام متحدہ دی سلامتی کونسل دیاں متعلقہ قرارداداں تے کشمیری عوام دیاں امنگاں موجب جھیڑا کشمیر دے منصفانہ تے دیرتئیں حل دی وکالت اچ پکے پیریں کھڑا رہسی، ایں بنیادی مسئلہ کوں پچھوں سٹݨ خطے کوں مسلسل عدم اعتماد تے ممکنہ تصادم اچ سٹݨ دے برابر اے۔ ترجمان آکھیے اڄوکے ہفتے دیاں پیشرفتاں ہک واری ول جہالت تے جبر کوں واضح کر ݙتے، بھارت تڑیاں ، غلط بیانی یا طاقت دے ذریعے اپݨے مقصد حاصل نہیں کر سڳدا اتے نہ ہی کریسی۔ انہاں آکھیے جو پاکستان امن تے تعمیری مصروفیات کیتے پرعزم اے لیکن او کہیں وی جارحیت دے خلاف اپݨی خودمختاری تے علاقائی سالمیت دے دفاع کیتے پرعزم اے۔
