اسلام آباد۔2جون(اے پی پی) دفتر خارجہ دے ترجمان آکھیے جو وزیراعظم محمد شہباز شریف دی ہدایت تے وزیراعظم دے معاون خصوصی سید طارق فاطمی دی قیادت وچ پاکستان دا وفد 2 توں 4 جون تئیں ماسکو دا دورہ کریسی۔ پاکستان دے اعلیٰ سطحی وفد دے دوریں متعلق میڈیا دے سوالاں دے حوالے نال ترجمان آپݨے بیان اچ آکھیے جو وزیراعظم محمد شہباز شریف دی ہدایت تے اعلیٰ سطح دے پاکستانی وفد جون وچ اہم دارالحکومتاں بشمول ماسکو وچ حکام نال ملاقات کریسن تاں جو اڄوکی بھارتی جارحیت اتے پاکستان دے ذمہ دارانہ طرز عمل تے پاکستان دا نقطہ نظر پیش کیتا ونڄ سڳے۔ انہاں آکھیا جو وزیراعظم دے معاون خصوصی سید طارق فاطمی 2 توں 4 جون تئیں ماسکو وچ وفد دی قیادت کریسن۔ دورے دے دوران او سینئر روسی حکام نال ملاقاتاں کریسن اتے میڈیا اتے تھنک ٹینکس نال وی ڳالھ مہاڑ کریسن۔
