اسلام آباد۔2جون (اے پی پی) وفاقی وزیر بحری امور محمد جنید انوار چوہدری آکھیے جو بندر گاہی زمین قومی معیشت دا قیمتی اثاثہ اے، پورٹ قاسم اتے کراچی پورٹ مشترکہ اینٹی انکروچمنٹ فورس بݨیسن ۔ وفاقی وزیر جنید انوار چوہدری دی صدارت اچ بندرگاہی زمین اصلاحات تے اہم اجلاس تھیا۔ ایں موقع تے ڳالھ کریندے وفاقی وزیر آکھیے جو بندرگاہی زمین قومی معیشت دا قیمتی اثاثہ اے، پورٹ قاسم اتے کراچی پورٹ مشترکہ اینٹی انکروچمنٹ فورس بݨیسن ، بندرگاہی زمین تے قبضہ ختم کراوݨ پہلی ترجیح اے، زمین دا غلط استعمال ترقی دے رستے وچ رکاوٹ اے۔ پورٹ قاسم اتھارٹی دا نواں ماسٹر پلان اتے ڈیجیٹل زمین مینجمنٹ سسٹم جلدی متعارف کریسوں ، بندرگاہی زمین دی ڈیجیٹل خودکار نظام نال نگرانی ہوسی۔ انہاں آکھیے جو بحری شعبہ پاکستان دی معیشت دا ستون اے، کراچی پورٹ ٹرسٹ سروے آف پاکستان نال زمین دی حد بندی شروع کر ݙتی اے، بندرگاہی اصلاحات دی ذاتی طور تے نگرانی کریساں۔
