اسلام آباد۔ 3 جون (اے پی پی) وفاقی وزیر داخلہ محسن نقوی آکھیے جو موجودہ جدید دور دے تقاضیں کوں سامݨے رکھیندے نیشنل سائبر کرائمز انوسٹی گیشن ایجنسی (این سی سی آئی اے) دا قیام عمل اچ ڳھن آیا ڳئے ، سائبر کرائمز روکݨ کیتے جدید ٹیکنالوجی، سافٹ ویئر اتے ہارڈ ویئر دا مؤثر استعمال ضروری اے۔ نیشنل سائبر کرائمز انوسٹی گیشن ایجنسی دے ہیڈکوارٹر دے دورے دے موقع تے …
سائبر کرائمز روکݨ کیتے جدید ٹیکنالوجی، سافٹ ویئر اتے ہارڈ ویئر دا مؤثر استعمال ضروری اے، وفاقی وزیر داخلہ محسن نقوی
مزید خبراں
اسلام آباد۔ 3 جون (اے پی پی) وفاقی وزیر داخلہ محسن نقوی آکھیے جو موجودہ جدید دور دے تقاضیں کوں سامݨے رکھیندے نیشنل سائبر کرائمز انوسٹی گیشن ایجنسی (این سی سی آئی اے) دا قیام عمل اچ ڳھن آیا ڳئے ، سائبر کرائمز روکݨ کیتے جدید ٹیکنالوجی، سافٹ ویئر اتے ہارڈ ویئر دا مؤثر استعمال ضروری اے۔ نیشنل سائبر کرائمز انوسٹی گیشن ایجنسی دے ہیڈکوارٹر دے دورے دے موقع تے ڳالھ مہاڑ کریندے وفاقی وزیر داخلہ محسن نقوی ایجنسی دے ہیلپ لائن سنٹر دا افتتاح کیتا اتے عملے نال ملاقات کریندے جدت پسندی دی تعریف کیتی۔ وزیر داخلہ محسن نقوی ہیلپ لائن سنٹر، فرانزک لیب، نیٹ ورک سیکیورٹی ڈیپارٹمنٹ سودھے مختلف سیکشنز دا دورہ کیتا۔ ایں موقع تے وفاقی وزیر داخلہ آکھیے جو این سی سی آئی اے دی ہیلپ لائن مکمل فعال اے، شہری سائبر کرائم توں متعلق شکایت تے 1799 تے کال کرسڳدن۔ وزیر داخلہ محسن نقوی متعلقہ افسراں کوں سائبر کرائمز متعلق شکایتاں دے وختی ازالے دی ہدایت کریندے ہوئیں آکھیے جو آرٹیفیشل انٹیلی جنس دے دور اچ این سی سی آئی اے جیڑھے اداریاں دی لوڑھ پہلے توں کتھائیں ودھ ڳئی اے۔ محسن نقوی آکھیے جو موجودہ جدید دور دے تقاضیں کوں سامݨے رکھیندے این سی سی آئی اے دا قیام عمل اچ ڳھن آیا ڳئے ، سائبر کرائمز روکݨ کیتے جدید ٹیکنالوجی، سافٹ ویئر اتے ہارڈ ویئر دا مؤثر استعمال ضروری اے، بلاشبہ اے ہک نواں ادارہ اے، ݙینھ رات محنت کر تے ایں ایجنسی کوں مؤثر ترین بݨاوݨا اے، ادارے کیتے نہ صرف باصلاحیت عملے دی خدمات حاصل کرݨیاں ہوسن بلکہ انہاں کوں ساریاں ضروری سہولتاں وی ݙیوݨیاں ہوسن۔ وزیر داخلہ این سی سی آئی اے ہیڈکوارٹر دی عمارت دی اپ گریڈیشن دا پلان منڳ ڳھدے اتے سٹاف دی کمی پوری کرݨ کیتے وختی اقدامات دی ہدایت کیتی۔ وزیر داخلہ این سی سی آئی اے دے نویں لوگو اتے جھنڈے دی منظوری وی ݙتی۔ انہاں این سی سی آئی اے دے تحت نیشنل سائبر سکاؤٹس پروگرام کوں ول بحال کرݨ دی وی منظوری ݙتی اتے آکھیے جو ایں پروگرام دے تحت سکولاں اتے کالجاں دے طلباء و طالبات کوں سائبر کرائمز متعلق آگاہی اتے تربیت ݙتی ویسی۔ ڈائریکٹر جنرل این سی سی آئی اے وقار الدین سید ادارے دے امور تے وفاقی وزیر داخلہ کوں بریفنگ ݙتی۔ ایں موقع تے وزیر مملکت داخلہ طلال چوہدری، سیکرٹری داخلہ خرم آغا اتے ݙوجھے افسر وی موجود ہن۔
