وفاقی وزیر تجارت جام کمال خان نال برطانوی ہائی کمشنر دی ملاقات

اسلام آباد۔ 3 جون (اے پی پی) وفاقی وزیر تجارت جام کمال خان نال برطانوی ہائی کمشنر جین میریٹ انہاں دے دفتر اچ ملاقات کیتی۔ ملاقات اچ پاکستان اَتے برطانیہ وچال تجارتی تعلقات کوں مزید مستحکم بݨاوݨ تے ڳالھ مہاڑ کیتی ڳئی۔ اے ملاقات پاکستان-برطانیہ تجارتی ڈائیلاگ دیاں تیاریاں اچ ہک اہم پیشرفت ثابت تھئی جیندے تے وختی باقاعدہ دستخط متوقع ہن۔ ملاقات اچ ݙوہیں فریقین سانجھی تجارت ودھاوݨ دے سانجھے وژن اپناوݨ تے اتفاق کیتا جیڑھا ایں ویلھے 4.7 ارب پاؤنڈ دی مالیت تئیں پُج چکئے اَتے اینکوں مزید ودھایا ونڄ سڳدے۔ تجارتی ڈائیلاگ دا مقصد عملی تعاون، ڈیٹا تے مبنی منصوبہ بندی اَتے مختلف شعبیں اچ اصلاحات کوں مزید ودھارا ݙیوݨ اے۔