اسلام آباد۔ 4 جون (اے پی پی) وزیرِاعظم دے معاونِ خصوصی ڈیجیٹل میڈیا / وزیرِ مملکت فہد ہارون برطانیہ دی پولیٹیکل کونسلر زوئی ویئر دے اعزاز وچ منعقدہ الوداعی تقریب وچ شرکت کیتی۔ پاکستان وچ برطانیہ دی ہائی کمشنر جین میریٹ تقریب دی میزبانی کیتی جیڑھی انہاں دی رہائش گاہ تے منعقد تھئی۔ تقریب وچ کابینہ دے ارکان، سفیراں، سینئر سرکاری افسراں اتے سول سوسائٹی دیاں چیدہ شخصیات شرکت کیتی۔ …
وزیرِاعظم دے معاونِ خصوصی/وزیرِمملکت فہد ہارون دی برطانیہ دی پولیٹیکل کونسلر زوئی ویئر دے اعزاز وچ منعقدہ الوداعی تقریب وچ شرکت
مزید خبراں
اسلام آباد۔ 4 جون (اے پی پی) وزیرِاعظم دے معاونِ خصوصی ڈیجیٹل میڈیا / وزیرِ مملکت فہد ہارون برطانیہ دی پولیٹیکل کونسلر زوئی ویئر دے اعزاز وچ منعقدہ الوداعی تقریب وچ شرکت کیتی۔ پاکستان وچ برطانیہ دی ہائی کمشنر جین میریٹ تقریب دی میزبانی کیتی جیڑھی انہاں دی رہائش گاہ تے منعقد تھئی۔ تقریب وچ کابینہ دے ارکان، سفیراں، سینئر سرکاری افسراں اتے سول سوسائٹی دیاں چیدہ شخصیات شرکت کیتی۔ تقریب دا مقصد برطانیہ دی پولیٹیکل کونسلر زوئی ویئر دی نمایاں خدمات کوں خراجِ تحسین پیش کرݨ اتے پاک۔برطانیہ تعلقات کوں تکڑا بݨاوݨ وچ انہاں دے کردار دی تعریف کرݨ ہئی۔ ایں موقع تے وزیرِاعظم دے معاونِ خصوصی ڈیجیٹل میڈیا / وزیرِ مملکت فہد ہارون زوئی ویئر دی مخلصانہ وابستگی اتے انہاں دے مثبت سفارتی کردار دی تعریف کیتی ۔ انہاں آکھیے زوئی ویئر اصول پسند اتے فرض شناس سفارتکار رہین۔ پاکستان اتے برطانیہ وچال سانجھی فہم و اعتماد کوں ودھارا ݙیوݨ اتے سانجھے تعلقات تکڑے بݨاوݨ وچ انہاں دیاں کوششاں موثر اتے دیرپا رہین، اساں انہاں دی دوستی اتے عزم دے شکر گزارہیسے۔ انہاں زوئی ویئر دے سفارتی کیریئر دے اڳلے مرحلے کیتے نیک تمناواں دا اظہار کیتا اتے یقین ݙیوائے پاکستان اتے برطانیہ وچال سٹریٹجک شراکت داری کوں سارے مشترکہ مفادات دے شعبیں وچ مزید ودھارا ݙتا ویسی۔
