اسلام آباد۔ 6 جون(اے پی پی)وزیرِ اعظم محمد شہباز شریف آپݨے وفد دے کٹھے عمرہ کیتے، انہاں کیتے خانہ کعبہ دا در خاص کر کھولیا ڳئے۔ وزیرِ اعظم محمد شہباز شریف اپݨے وفد دے کٹھے سعودی ولی عہد اتے وزیرِ اعظم محمد بن سلمان دی خصوصی دعوت تے سعودی عرب دے دورے تے ہن جتھاں انہاں عمرہ کیتے۔ پاکستانی وفد کیتے خانہ کعبہ دا در خصوصی طور تے کھولیا …
وزیرِ اعظم کیتے خانہ کعبہ دا در خاص کر کھولیا ڳئے، عمرہ ادا کیتے اتے معرکہ ھق دی کامیابی تے خانہ کعبہ اچ شکرانے دے نوافل پڑھین
مزید خبراں
اسلام آباد۔ 6 جون(اے پی پی)وزیرِ اعظم محمد شہباز شریف آپݨے وفد دے کٹھے عمرہ کیتے، انہاں کیتے خانہ کعبہ دا در خاص کر کھولیا ڳئے۔
وزیرِ اعظم محمد شہباز شریف اپݨے وفد دے کٹھے سعودی ولی عہد اتے وزیرِ اعظم محمد بن سلمان دی خصوصی دعوت تے سعودی عرب دے دورے تے ہن جتھاں انہاں عمرہ کیتے۔ پاکستانی وفد کیتے خانہ کعبہ دا در خصوصی طور تے کھولیا ڳئے۔ وزیرِ اعظم محمد شہباز شریف اتے آرمی چیف فیلڈ مارشل سید عاصم منیر وفد نال خانہ کعبہ اچ نوافل ادا کیتن اتے بنیان مرصوص دی وݙی فتح تے اللہ تعالیٰ دا شکر ادا کیتا۔
انہاں پاکستان دی معاشی میدان اتے عوامی فلاح کیتے اقدامات دے حوالے نال کامیابیاں تے اللہ دا شکر ادا کریندے ملکی ترقی و خوشحالی دے نال نال امت مسلمہ بالخصوص ظلم و جبر دے شکار کشمیری و فلسطینی مسلمان ٻھیݨ ٻھراواں کیتے خصوصی دعائیں منڳین۔ نائب وزیرِ اعظم و وزیرِ خارجہ محمد اسحاق ڈار، وزیرِ داخلہ سید محسن رضا نقوی اتے وزیرِ اطلاعات و نشریات عطا اللہ تارڑ وی وزیرِ اعظم دے نال ہن۔
