سابق سینیٹر عباس آفریدی کوہاٹ اچ گیس لیکج دھماکے اچ جاں بحق

اسلام آباد۔ 6 جون(اے پی پی)سابق سینیٹر عباس آفریدی جمعے کوں کوہاٹ دے اعظم باغ اچ گیس لیکج دے دھماکے اچ جاں بحق تھی ڳئے۔ گزریل ݙینھ اعظم باغ اچ گیس لیکیج دے دھماکے اچ زخمی تھیوݨ دے بعد عباس آفریدی کوں سی ایم ایچ کھاریاں برن سینٹر داخل کرایا ڳیا ہا جیڑھے جمعے کوں فوت تھی ڳن۔ عباس آفریدی دی نماز جنازہ بابری بانڈہ، کوہاٹ اچ ادا کیتی ویسی۔ عباس آفریدی مارچ 2009 اچ آزاد امیدوار دے طور تے سینیٹ آف پاکستان کیتے منتخب تھئے ہن۔ انہاں 19 مارچ 2014 کوں ٹیکسٹائل انڈسٹری دے وفاقی وزیر دے طور تے حلف چاتا۔ بعد اچ انہاں پاکستان مسلم لیگ (ن) دے امیدوار دے طور تے این اے ۔ 32 کوہاٹ توں 2018 دے عام انتخابات اچ وی حصہ گھدا ٻھل کامیاب نہ تھی سڳے، انہاں کوں پاکستان تحریک انصاف دے امیدوار شہریار آفریدی ہرایا۔ انہاں 2024 دے عام انتخابات اچ این اے ۔35 کوہاٹ توں پاکستان مسلم لیگ (ن) دے امیدوار دی حیثیت نال حصہ گھدا ٻھل کامیاب نہ تھی سڳے۔ سابق سینیٹر عباس آفریدی دے انتقال تے ملک بھر دے سیاستداناں اتے رہنماواں نے تعزیت کریندے انہاں دیاں خدمات کوں خراج عقیدت پیش کیتے۔