لاہور ۔7 جون(اے پی پی)وزیر اعظم محمد شہباز شریف مصر دے صدر عبدالفتاح السیسی نال ٹیلیفونک رابطہ کیتا اتے انہاں کوں عید الاضحیٰ دی مبارکباد ݙتی۔ وزیر اعظم مصر دی قیادت، حکومت اتے عوام کوں عید دی مبارکباد ݙیندے پاک بھارت کشیدگی دے موقع تے مصر دے تعمیری کردار اتے امن دی کوششاں دی تعریف کیتی۔ انہاں مشرق وسطیٰ دی صورتحال تے وی ڳالھ مہاڑ کیتی۔ ڈی ایٹ سربراہی اجلاس …
وزیراعظم محمد شہباز شریف دی مصر دے صدر عبدالفتاح السیسی کوں عید دی مبارکباد
مزید خبراں
لاہور ۔7 جون(اے پی پی)وزیر اعظم محمد شہباز شریف مصر دے صدر عبدالفتاح السیسی نال ٹیلیفونک رابطہ کیتا اتے انہاں کوں عید الاضحیٰ دی مبارکباد ݙتی۔ وزیر اعظم مصر دی قیادت، حکومت اتے عوام کوں عید دی مبارکباد ݙیندے پاک بھارت کشیدگی دے موقع تے مصر دے تعمیری کردار اتے امن دی کوششاں دی تعریف کیتی۔ انہاں مشرق وسطیٰ دی صورتحال تے وی ڳالھ مہاڑ کیتی۔ ڈی ایٹ سربراہی اجلاس کیتے گزریل سال دسمبر اچ آپݨے دورہ قاہرہ دا ݙسیندے وزیر اعظم آپسی دلچسپی دے سارے شعبیاں اچ مصر نال آپݨے موجودہ دوستانہ تعلقات کوں ٻیا تکڑا اتے ودھاوݨ دی پاکستان دی خواہش دا اعادہ کیتا۔ انہاں آکھیا جو پاکستان مصر نال کئی شعبیاں بشمول تجارت، سرمایہ کاری اتے صحت دے شعبے اچ ݙوطرفہ تعاون ودھاوݨ چاہندے۔ مصر دے صدر وزیر اعظم دی عید الاضحیٰ دی مبارکباد دا گرمجوشی نال جواب ݙتا اے ایں سوھݨے موقع تے پاکستانی عوام کیتے اپݨیاں نیک خواہشات پچائن۔ انہاں آپسی دلچسپی دے سارے شعبیاں اچ پاکستان نال تعلقات ودھاوݨ دی خوہش کریندے جنوبی ایشیاء اچ امن کیتے پاکستان دیاں کوششاں دی تعریف کیتی۔
