لاہور۔ 8 جون (اے پی پی)وزیرِاعظم محمد شہباز شریف عیدالاضحیٰ تے سلطنت عمان دے سلطان ہیثم بن طارق السعید نال ٹیلی فون تے رابطہ کیتا اَتے انہاں سلطان ہیثم اتے عمان دے برادر عوام کوں عید دی مبارخ ݙتی۔ ڳالھ مہاڑ اچ ݙوہاں رہنماواں امت مسلمہ دے اتحاد اتے ہم آہنگی اتے غزہ دے عوام کیتے خصوصی دعا وی کیتی۔ وزیرِاعظم پاکستان اتے بھارت وچال اڄوکی کشیدگی اچ عمان دے …
وزیرِاعظم محمد شہباز شریف دا عمان دے سلطان کوں عیدالاضحیٰ دی مبارک آکھݨ کیتے ٹیلیفون
مزید خبراں
لاہور۔ 8 جون (اے پی پی)وزیرِاعظم محمد شہباز شریف عیدالاضحیٰ تے سلطنت عمان دے سلطان ہیثم بن طارق السعید نال ٹیلی فون تے رابطہ کیتا اَتے انہاں سلطان ہیثم اتے عمان دے برادر عوام کوں عید دی مبارخ ݙتی۔ ڳالھ مہاڑ اچ ݙوہاں رہنماواں امت مسلمہ دے اتحاد اتے ہم آہنگی اتے غزہ دے عوام کیتے خصوصی دعا وی کیتی۔ وزیرِاعظم پاکستان اتے بھارت وچال اڄوکی کشیدگی اچ عمان دے موقف تے سلطان دا شکر ادا کیتا، کشیدگی گھٹاوݨ اتے مذاکرات کیتے انہاں دی حمایت دی تعریف کیتی۔ پاکستان اتے عمان دے قریبی برادرانہ تعلقات دا ذکر کریندے ہوئیں، وزیرِاعظم سلطنت عمان نال سارے شعبیاں اچ ݙو طرفہ تعاون ٻیا تکڑا بݨاوݨ دی لوڑھ تے زور ݙتا۔ وزیرِاعظم محمد شہباز شریف عمان دے سلطان کوں پاکستان دا سرکاری دورہ کرݨ دی اپݨی دعوت دا اعادہ کیتا۔ سلطان ہیثم بن طارق دعوت قبول کریندے ہوئیں وزیرِاعظم کوں وی عمان دا سرکاری دورہ کرݨ دی دعوت ݙتی۔ ݙوہاں دورے باہمی طور تے سفارتی ذرائع نال مناسب تاریخاں تے تھیسن۔
