وفاقی وزیرِ داخلہ محسن نقوی کوں بحرین دے وزیرِ داخلہ لیفٹیننٹ جنرل راشد بن عبداللہ الخلفیہ دا فون، عید دی مبارخ ݙیتی

اسلام آباد۔ 8 جون (اے پی پی): وفاقی وزیرِ داخلہ محسن نقوی کوں بحرین دے وزیرِ داخلہ لیفٹیننٹ جنرل راشد بن عبداللہ الخلفیہ ٹیلی فون کیتا اتے وزیرِ داخلہ محسن نقوی اتے پاکستانی عوام کوں عیدالاضحیٰ دی مبارخ ݙتی۔ وزارتِ داخلہ ولوں جاری بیان دے مطابق بحرین دے وزیرِ داخلہ وزیرِ داخلہ محسن نقوی اتے پاکستانی عوام کیتے نیک خواہشات دا اظہار کیتا اتے ایں عزم دا اظہار کیتا جو تیکھے پاکستان دا دورہ کریساں۔ وزیرِ داخلہ محسن نقوی آکھیا جو اساں تہاݙے دورہ پاکستان دے تانڳھی ہیں۔ وزیرِ داخلہ محسن نقوی وی بحرین دے وزیرِ داخلہ اتے عوام کیتے نیک خواہشات ݙتن اتے بحرین نال تعلقات کوں مزید مستحکم بݨاوݨ دے عزم دا اعادہ کیتا۔ وزیرِ داخلہ محسن نقوی پاکستان دے عوام کیتے نیک خواہشات تے بحرین دے وزیرِ داخلہ دا شکریہ ادا کیتا۔