اسلام آباد۔9 جون(اے پی پی)ترجمان پاور ڈویژن آکھیے جو بجلی دے ݙو میٹر لاوݨ تے پابندی بارے سوشل میڈیا تے آوݨ آلیاں خبراں بالکل کوڑیاں، گمراہ کن اتے عوام اچ بے چینی کھنݙاوݨ دی ہک مذموم کوشش اے۔ انہاں آکھیا جو اینجھیاں کوڑیاں خبراں کھنݙاوݨ اتے شیئر کرݨ پیکا ایکٹ دے تحت قابل سزا جرم اے۔ اپݨے بیان اچ ترجمان پاور ڈویژن واضح کیتا جو کہیں وی رہائشی جاہ تے …
بجلی دے ݙو میٹر لاوݨ تے پابندی بارے خبراں گمراہ کن ہین، ترجمان پاور ڈویژن
مزید خبراں
اسلام آباد۔9 جون(اے پی پی)ترجمان پاور ڈویژن آکھیے جو بجلی دے ݙو میٹر لاوݨ تے پابندی بارے سوشل میڈیا تے آوݨ آلیاں خبراں بالکل کوڑیاں، گمراہ کن اتے عوام اچ بے چینی کھنݙاوݨ دی ہک مذموم کوشش اے۔ انہاں آکھیا جو اینجھیاں کوڑیاں خبراں کھنݙاوݨ اتے شیئر کرݨ پیکا ایکٹ دے تحت قابل سزا جرم اے۔ اپݨے بیان اچ ترجمان پاور ڈویژن واضح کیتا جو کہیں وی رہائشی جاہ تے ݙوجھا بجلی دا میٹر اڄ وی مروجہ قوانین دے تحت ڳھدا ونڄ سڳدے۔ انہاں آکھیا جو نیپرا کنزیومر سروسز مینول 2021 دے مطابق اینجھیاں رہائشی جاہواں جیڑھیاں علیحدہ پورشن، علیحدہ سرکٹ، علیحدہ داخلی رستہ اتے علیحدہ کچن تے مشتمل ہوون، اتھاں علیحدہ میٹر لاوݨ دی اجازت موجود اے۔ البتہ، بجلی دے ناجائز استعمال اتے سبسڈی دے غلط فائدے کوں روکݨ کیتے قانون پہلے وی موجود ہا اتے ہݨ وی مکمل طور تے لاگو اے۔ انہاں عوام کوں آکھیا جو او اینجھیاں کوڑیاں خبراں تے توجہ نہ ݙیون اتے بجلی دے میٹرز دے درست اتے شفاف استعمال اچ بجلی دی تقسیم کار کمپنیاں نال تعاون کرن تاں جو اصل حقدار کوں اوندا حق مل سڳے۔
