معاشی استحکام دو پیش قدمی، برآمدات، ٹیکس وصولی اتے سٹاک مارکیٹ اچ ریکارڈ ودھارا: وزیر خزانہ محمد اورنگزیب

اسلام آباد۔ 9 جون(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو پاکستان دی معیشت بہتری دو ویندی پئی اے، برآمدات 6.8 فیصد ودھارے نال 27 ارب 30 کروڑ ڈالر تے پڄ ڳئیاں، ایف بی آر ٹیکس وصولی 25.9 فیصد ودھ تے 10 ہزار 234 ارب روپے تئیں پڄ ڳئی، سرمایہ کاراں دے اعتماد دی بحالی نال سٹاک مارکیٹ اچ 52.6 فیصد ودھارا تھیا۔ اکنامک سروے جاری کریندے ہوئیں آکھیا جو حالیہ مالی اعداد و شمار معاشی بہتری دے واضح ثبوت ݙینݙن۔ انہاں ݙسایا جو برآمدات اچ 6.8 فیصد ودھارا تھئے جیںدے نتیجے اچ جاری مالی سال دے دوران برآمدات دا مجموعی حجم 27 ارب 30 کروڑ امریکی ڈالر تئیں پڄ ڳئے۔ انہاں آکھیا جو حکومت دی برآمدی شعبے کیتے مراعات، سازگار پالیسیاں اتے بہتر بزنس ماحول ایں پیشرفت اچ اہم کردار ادا کیتے۔ وزیر خزانہ ݙسایا جو فیڈرل بورڈ آف ریونیو دی ٹیکس وصولی اچ وی 25.9 فیصد ودھارا ریکارڈ کیتا ڳئے اتے جاری مالی سال اچ مجموعی محصول 10 ہزار 234 ارب روپے دی سطح تئیں پڄ چکین جیڑھا مالی نظم و ضبط اتے محصولاں اچ وسعت دا واضح اشارہ اے۔ سرمایہ کاراں دے اعتماد دی بحالی دے حوالے نال وزیر خزانہ آکھیا جو سرمایہ کاراں دے اعتماد دی بحالی نال پاکستان سٹاک ایکسچینج اچ 52.6 فیصد دا نمایاں ودھارا تھئے۔ انہاں آکھیا جو حکومت دی معاشی پالیسیاں، سیاسی استحکام اتے آئی ایم ایف پروگرام دی کامیاب تکمیل دے اثرات سرمایہ کار برادری اچ اعتماد دا باعث بݨین۔