اسلام آباد۔9 جون(اے پی پی)وزیراعظم محمد شہباز شریف عید الاضحیٰ دے موقع تے بوسنیا اتے ہرزیگووینا دے رکن ایوان صدر ڈاکٹر ڈینس بیسرویک نال ٹیلی فون تے گالھ مہاڑ کیتی۔ وزیراعظم انہاں کوں اتے بوسنیا اتے ہرزیگووینا دے عوام کوں دلوں عید دی مبارکباد ݙتی اتے انہاں دی امن، ترقی اتے خوشحالی کیتے دعا کیتی۔ بوسنیا دے رہنما وی وزیراعظم کوں عید دی مبارکباد ݙتی اتے نیک جذبات پچائن۔ اپݨی …
وزیراعظم دی بوسنیا دے ایوان صدر دے رکن نال ٹیلی فون تے گالھ مہاڑ، عید الاضحیٰ دی مبارکباد ݙتی
مزید خبراں
اسلام آباد۔9 جون(اے پی پی)وزیراعظم محمد شہباز شریف عید الاضحیٰ دے موقع تے بوسنیا اتے ہرزیگووینا دے رکن ایوان صدر ڈاکٹر ڈینس بیسرویک نال ٹیلی فون تے گالھ مہاڑ کیتی۔ وزیراعظم انہاں کوں اتے بوسنیا اتے ہرزیگووینا دے عوام کوں دلوں عید دی مبارکباد ݙتی اتے انہاں دی امن، ترقی اتے خوشحالی کیتے دعا کیتی۔ بوسنیا دے رہنما وی وزیراعظم کوں عید دی مبارکباد ݙتی اتے نیک جذبات پچائن۔ اپݨی ڳالھ مہاڑ اچ وزیراعظم شہباز شریف زور ݙتا جو پاکستان بوسنیا اتے ہرزیگووینا نال اپݨے تکڑے برادرانہ تعلقات کوں ودھ اہمیت ݙیندے اتے تجارت، ثقافت اتے عوام وچال تبادلے دے ذریعے ݙو طرفہ تعاون کوں ٻیا ودھاوݨ چاہندے ہیں۔ وزیراعظم حالیہ پاک بھارت بحران اچ پاکستان دی حمایت تے بوسنیا دی قیادت دا شکریہ ادا کیتا اتے جنوبی ایشیا اچ امن و سلامتی برقرار رکھݨ کیتے پاکستان دیاں کوششاں دا ݙسایا۔ وزیراعظم ڈاکٹر بیسرویک کوں پاکستان دا سرکاری دورہ کرݨ دی دعوت ݙتی۔ ڈاکٹر ڈینس بیسرویک دورے دی دعوت قبول کریندے وزیراعظم پاکستان کوں وی بوسنیا اتے ہرزیگووینا دے دورے دی دعوت ݙتی۔
