اسلام آباد وچ زچہ و بچہ دی صحت دے مرکز دے قیام کیتے پی ایس ڈی پی تحت آندے مالی سال 2025-26 کیتے 62.680 ملین روپے رکھئے ڳئن

اسلام آباد۔ 10 جون (اے پی پی) وفاقی وزارت برائے قومی صحت دے اسلام آباد وچ زچہ و بچہ دی صحت دے مرکز دے قیام کیتے سرکاری شعبہ دے ترقیاتی پروگرام (پی ایس ڈی پی) دے تحت آندے مالی سال 2025-26 کیتے 62.680 ملین روپے دا بجٹ رکھیا ڳئے ۔ جاری پی ایس ڈی پی دستاویز موجب، منصوبے تے مجموعی لاڳت دا تخمینہ 460.313 ملین روپے اے تے توقع اے جو 30 جون 2025 تئیں منصوبے کیتے 397.630 ملین روپے دے فنڈز جاری کر ݙتے ویسن۔ واضح رہے جو آندے مالی سال کیتے آئی ڈی ایس آر ایس منصوبے کیتے 62.680 ملین روپے دا ترقیاتی بجٹ رکھیا ڳئے۔