اسلام آباد ورکنگ ڈویلپمنٹ اتھارٹی دے 13 منصوبیں کیتے 2 ارب روپے رکھئے ڳئن

اسلام آباد۔ 10 جون (اے پی پی) حکومت آندے مالی سال 26-2025 دے بجٹ وچ سرکاری شعبہ دے ترقیاتی پروگرام (پی ایس ڈی پی) دے تحت اسلام آباد ورکنگ ڈویلپمنٹ اتھارٹی (آئی بی ݙبلیو پی) دے 13 منصوبیں کیتے مجموعی طور تے 2 ارب روپے رکھئن جنہاں تے لاڳت دا تخمینہ 6 ارب 81 کروڑ 16 لکھ 29 ہزار روپے لاتا ڳئے۔ جاری تھیوݨ آلے پی ایس ڈی پی دے اعدادوشمار موجب حکومت آندے مالی سال دے بجٹ وچ آئی بی ݙبلیو پی دے جن 13 منصوبیں کیتے پی ایس ڈی پی وچ فنڈز رکھئے ڳئن انہاں وچ آئی سی ٹی زرعی کمپلیکس (جی الیون فور) کوں لفٹ ݙیوݨ ، گولڑہ شریف، شاہ اللہ ݙتہ اَتے سرائے خربوزہ دے علاقیں وچ سڑکاں دی تعمیر، دیہاتی علاقیں وچ سڑکاں دی بحالی، سرائے خربوزہ اَتے کالنجر دی یونین کونسلاں وچ واٹر سپلائی سکیماں ݙیوݨ ، مختلف یونین کونسلاں وچ پیوݨ دا پاݨی ݙیوݨ ، 16 یونین کونسلاں دیاں سڑکاں دی اپ گریڈیشن، کورنگ روڈ بنی گالہ دی بحالی و اپ گریڈیشن، پرنس روڈ تے بند دی تعمیر، جودھ، ݙھوک رمضانیہ، سرائے خربوزہ، گولڑہ شریف اَتے بوکرہ وچ سڑکاں دی تعمیر و بحالی، اسلام آباد سبزی منڈی دی ڈھانچہ جاتی بحالی، بنی گالہ دے سیوریج سسٹم اَتے ترنول و سہالہ وچ ریونیو دفتراں دے قیام دے منصوبے شامل ہن۔