اسلام آباد۔3 اکتوبر (اے پی پی) وفاقی وزیر بحری امور محمد جنید انوار چوہدری کراچی اچ 'ون ڈور' سہولت مرکز دے قیام تے کم تکھا کرݨ دی ہدایت کیتی اے تاں جو بندرگاہ متعلق کاروباری خدمات ہک ہی چھت تلے ݙتیاں ونڄ سڳن، وزیراعظم دے وژن موجب بندرگاہی تجارت متعلق ساری خدمات ہک ہی چھت تلے دستیاب ہووݨیاں چاہیدن۔وزارتِ بحری امور موجب وفاقی وزیر اے ہدایات وزارتِ بحری امور دے …
وزیرِ بحری امور دی ‘ون ڈور’ پورٹ بزنس سہولت مرکز دے قیام تے کم دی رفتار تکھی کرݨ دی ہدایت
اسلام آباد۔3 اکتوبر (اے پی پی) وفاقی وزیر بحری امور محمد جنید انوار چوہدری کراچی اچ ‘ون ڈور’ سہولت مرکز دے قیام تے کم تکھا کرݨ دی ہدایت کیتی اے تاں جو بندرگاہ متعلق کاروباری خدمات ہک ہی چھت تلے ݙتیاں ونڄ سڳن، وزیراعظم دے وژن موجب بندرگاہی تجارت متعلق ساری خدمات ہک ہی چھت تلے دستیاب ہووݨیاں چاہیدن۔وزارتِ بحری امور موجب وفاقی وزیر اے ہدایات وزارتِ بحری امور دے جاری منصوبیں تے اقدامات دا جائزہ گھنݨ کیتے منعقدہ ہفتہ وار اجلاس دے دوران ݙتیاں۔ اجلاس اچ بحری تجارت کوں سوکھا بݨاوݨ، ماہی گیری دے شعبے کوں تکڑا کرݨ تے ملک دی ‘بلیو اکانومی’ (سمندری معیشت) کوں ودھارا ݙیوݨ کیتے مختلف منصوبیں تے پالیسی اقدامات تے پیش رفت دا جائزہ ڳھدا ڳیا۔اجلاس اچ جہازاں تے ماہی گیری دیاں کشتیاں دی رجسٹریشن دے عمل کوں سوکھا بݨاوݨ دیاں تجویزاں دے نال نال بلیو اکانومی تے ماہی گیری دیاں مصنوعات برآمد کرݨ آلیں کیتے ٹیکس مراعات متعلق اقدامات دا وی جائزہ ڳھدا ڳیا۔اجلاس دے دوران وفاقی وزیر محمد جنید انوار چوہدری کوں ‘قومی بحری پالیسی’ تے ‘قومی ماہی گیری و آبی زراعت پالیسی’ دی تشکیل اچ تھیوݨ آلی پیش رفت تے بریفنگ ݙتی ڳئی۔وفاقی وزیر متعلقہ حکام کوں ہدایت کیتی جو منصوبیں تے کم دی رفتار برقرار رکھن تے وقتی پیش رفت کوں یقینی بݨاون تے خاص طور تے ایجھے اقدامات تے توجہ ݙیون جنہاں نال بحری شعبے اچ کاروبار کرݨ اچ سوکھ پیدا تھی سڳے۔
