پی ایس ڈی پی، آبی وسائل ݙویژن دے 42 جاری منصوبیں کیتے 133424.433 ملین روپے رکھئے ڳئن

اسلام آباد۔ 10 جون (اے پی پی) وفاقی حکومت آندے مالی سال دے بجٹ 26-2025 دے سرکاری شعبہ دے ترقیاتی پروگرام (پی ایس ڈی پی) دے تحت آبی وسائل دویژن دے 42 جاری منصوبیں کیتے مجموعی طور تے 133424.433 ملین روپے رکھئن۔ جاری پی ایس ڈی پی دے اعدادوشمار موجب آبی وسائل ݙویژن دے جاری منصوبیں عطاآباد جھیل ہائیڈرو پاور پراجیکٹ دے 54 میگاواٹ دے حامل منصوبے کیتے 500 ملین روپے، چترال ہائیڈل پاور سٹیشن دی استعداد کار وچ وادھے دے منصوبے کیتے 200 ملین روپے، درگئی ہائیڈل پاور سٹیشن دی بحالی دے منصوبے کیتے 500 ملین روپے، داسو ہائیڈرو پاور پراجیکٹ دے منصوبے کیتے 20000 ملین روپے، وارسک ہائیڈرل الیکٹرک پاور سٹیشن دے ݙوجھے منصوبے دی بحالی کیتے 845 ملین روپے، پنجگور ݙیم دی تعمیر دے منصوبے کیتے 1200 ملین روپے، دیامربھاشا ڈیم ہائیڈرو پاور پراجیکٹ دے منصوبے کیتے 25010 ملین روپے، مہمند ݙیم ہائیڈرو پاور پراجیکٹ منصوبے کیتے 35723.932 ملین روپے، قلعہ عبداللہ وچ 200 چھوٹے دیماں دی تعمیر دے منصوبے کیتے 500 ملین روپے سودھے وزارت دے مختلف منصوبیں کیتے مجموعی طور تے 133424.433 ملین روپے رکھئے ڳئن۔