بین الصوبائی رابطہ ݙویژن دے 8 جاری اَتے 2 نویں منصوبیں کیتے 1179.840 ملین روپے دے فنڈز رکھئن

اسلام آباد۔ 10 جون (اے پی پی) وفاقی حکومت سرکاری شعبہ دے ترقیاتی پروگرام (پی ایس ڈی پی) دے تحت آندے مالی سال 2025-26 دے دوران بین الصوبائی رابطہ ݙویژن دے 8 جاری اَتے 2 نویں منصوبیں کیتے مجموعی طور تے 1179.840 ملین روپے دے فنڈز رکھئن ۔ جاری پی ایس ڈی پی دے اعدادوشمار موجب وزارت بین الصوبائی رابطہ ݙویژن دے 8 جاری منصوبیں کیتے 779.840 ملین روپے جݙاں جو ݙو نویں منصوبیں کیتے 400 ملین روپے رکھئے ڳئن۔ پی ایس ڈی پی موجب جاری منصوبیں وچ پاکستان سپورٹس کمپلیکس اسلام آباد وچ بائیو مکینیکل لیب دے قیام کیتے 40.735 ملین روپے، پی ایس بی کوچنگ سینٹر کراچی وچ فٹ بال گراؤنڈ وچ فلڈ لائٹس کیتے 108 ملین روپے، پی ایس بی کوچنگ سینٹر دی اپ گریڈیشن اَتے تزئین و آرائش کیتے 70 ملین روپے، پاکستان سپورٹس کمپلیکس اسلام آباد اَتے پی ایس بی کوچنگ سینٹر وچ مختلف کھیڈاں دیاں سہولتاں کیتے 150 ملین روپے، پاکستان سپورٹس کمپلیکس اسلام آباد وچ ساؤتھ ایشین گیمز، وارم اپ ٹریک، ہیٹ ایکسچینجر، کوچنگ کیتے رہائشی فلیٹاں دیاں سہولتاں، ہالز، فائیو اے ہاکی گراؤنڈ، فٹ سال گراؤنڈ اَتے ماسٹر پلاننگ کیتے 200 ملین اَتے پی ایس بی کوچنگ سینٹر سکردو دی تعمیر کیتے 50 ملین روپے رکھئے ڳئن۔ ایویں ہی ݙوجھے جاری منصوبیں کیتے وی خاطر خواہ رقم رکھی اے۔ پی ایس ڈی پی موجب ݙو نویں منصوبیں پاکستان سپورٹس کمپلیکس اسلام آباد وچ ارشد ندیم شہباز شریف ہائی پرفارمنس سپورٹس اکیڈمی دے قیام کیتے 300 ملین روپے جݙاں جو فیصل آباد وچ سپورٹس کمپلیکس کورٹس اَتے 2 پیڈل کورٹس دی تعمیر کیتے 100 ملین روپے رکھئے ڳئن۔